"Bizge eshkim eshteńeni syiǵa tartqan joq!". Nazarbaev orys shovinisterine jaýap qatty
Nazarbaev bul máselege Pýtinniń stilinde pikir bildirip, Reseidiń Sibir aimaǵyn sóz etti.
“Mysaly, Batys saiasatkerleri Sibirdi aýzynan tastamaidy. "Bul aimaq Reseidiń quramyna zorlyqpen qosylǵan. Sibirdi Kremldiń quramynan shyǵaryp alý kerek” degen syńaida sóileidi. Bul da sol sekildi. Resei Qazaqstannyń territoriiasyna kóz alartpaidy jáne qandai da bir territoriialyq talaby joq. Lavrov bul máselege áldeqashan núkte qoiǵan. Barlyǵyn resmi deńgeide qarastyrý kerek.
Árbirden soń myna zamanda kim ne aitpai jatyr? Oiyna kelgendi kókitinder kóp. Onyń ústine Ýkrainadaǵy jaǵdai otqa mai tamyza tústi. Shyǵys Ýkraina bar, quramyna qaitaryp alǵan Qyrym bar…”, – dedi Nazarbaev týǵan kúni qarsańynda ázirlengen “Shtrihi k portretý” derekti filminde atalǵan jaitqa arnaiy toqtalyp.
Elbasy mundai arandatýǵa kóńil bólmeýdi, nazar aýdarmaýdy úirený qajet deidi.
Áitse de, “Resei KSRO shekpeninen shyqqan elderge ulanǵaiyr aýmaqty syilai saldy” degen Kreml kóseminiń pikirin jaýapsyz qaldyrǵandy jón kórmepti.
“Syiǵa tartylǵan jer? Mundai áńgimeler aityldy. Kimge, qai territoriiany tartý etippiz? Biz Altyn Ordanyń muragerimiz, eger sol kezeńge deiin tereńdesek, Máskeý kniazdyǵy kún saiyn alym-salyq tólep turǵan. Tabanymyzdyń astyndaǵy qara jer kimge tiesili ekenin bilý úshin, myń jyldyq tarihymyzdy eske alý kerekpiz be?! Bizge syrttan eshkim eshteńeni syiǵa tartqan joq. Sondyqtan mundai arandatýǵa nazar aýdarýdyń qajeti shamaly. Eń bastysy Reseidiń resmi biligi deidi, sol mańyzdy”, – dep qosyp qoidy Nazarbaev.
