Qazaqstannyń Tuńǵysh Prezidenti Qazaqstan Respýblikasynyń jańa Konstitýtsiiasyn qabyldaý máselesi boiynsha respýblikalyq referendýmda daýys berdi, dep habarlaidy Dalanews.kz.
Daýys berýden keiin Nursultan Nazarbaev elde júrgizilip jatqan saiasi reformalarǵa qatysty óz pikirin bildirdi. Tuńǵysh Prezident Memleket basshysy ókilettiginen osydan jeti jyl buryn óz erkimen ketkenin eske saldy. Onyń aitýynsha, bul sheshim eldiń turaqty damýy men bilik sabaqtastyǵy jalǵasýy úshin qabyldanǵan.
"Ýaqyt toqtamaidy. Býyn almasady. Ár býyn Qazaqstannyń táýelsizdigin nyǵaitýǵa óz úlesin qosýy tiis. Bizdiń zaman ókilderi táýelsizdikti jariialap, shekarany belgilep, elordany turǵyzý arqyly óz mindetin oryndady dep esepteimin. Qazir Qazaqstandy odan ári nyǵaityp, onyń bedelin kóterý qajet. Bul baǵytta az jumys istelip jatqan joq, sonyń ishinde men qoldap otyrǵan búgingi referendýmnyń da mańyzy zor. Óz ýaqytynda men Qasym-Jomart Toqaevqa tańdaý jasadym jáne bul tańdaýym eshqashan ózgermeidi. Osy Konstitýtsiia Qazaqstanymyzdyń igiligine, halqymyzdyń berekesine qyzmet etsin dep tileimin", - dep túiindedi Nursultan Nazarbaev.
