Qazaqstan Syrtqy ister ministrligi Túrkiianyń Antaliia qalasynda jol apatynan qaza tapqan jas jigittiń Qyrǵyzstan azamaty ekenin málimdedi, dep habarlaidy dalanews.kz.
Buǵan deiin túrik basylymdary marqum Qubat Amanbekovti Qazaqstan azamaty dep habarlaǵan bolatyn. Alaida qazaqstandyq vedomstvo túrik tarapynan resmi málimet suratyp, onyń 27 jastaǵy Qyrǵyzstan azamaty ekenin naqtylaǵan.
Eske salaiyq, Amanbekov Antaliiadaǵy bes juldyzdy qonaqúilerdiń birinde barmen bolyp jumys istegen. Ol túngi aýysymnan keiin velosipedpen úiine qaityp kele jatqan kezde taksi kóligi qaǵyp ketken.
Túrkiialyq BAQ málimetinshe, qaiǵyly oqiǵa 11 mamyrǵa qaraǵan túni, shamamen saǵat 03:00-de Antaliianyń Serik aýdanynda bolǵan.
Kýágerler oqiǵa ornyna jedel járdem men politsiia shaqyrǵan. Alaida dárigerler jas jigittiń oqiǵa ornynda kóz jumǵanyn anyqtaǵan.
Sondai-aq kóliktiń jergilikti CI kompaniiasyna tiesili ekeni aityldy. Taksi júrgizýshisi politsiia bólimshesine jetkizilip, tergeý amaldary júrgizilgen.
