Dáýlet Muqaev áleýmettik jelide jariialaǵan videosynan keiin kópshilik arasynda jańa pikirtalas bastaldy. Májilis depýtaty áieliniń «geshtaltin jabý» úshin Parlament atynan arnaiy quttyqtaý jasatqanyn aitqan, dep habarlaidy dalanews.kz.
Video barysynda depýtat parlamenttik quttyqtaýlardyń qalai rásimdeletinin túsindirdi.
– Biz Parlamentte quttyqtaýdy ózimiz aqsha tólep jasatamyz. Resmi qaǵaz 5 myń teńge turady. Laýra 30 jasqa tolǵanda osyndai quttyqtaý jasap berýimdi suraǵan edi. Sol geshtalti jabylmai júrdi. Biyl 32 jasqa tolyp jatyr. Parlament taraiyn dep turǵan soń, qolymda múmkindik bar kezde 5000 teńge tólep, quttyqtaýdy shyǵaryp aldym. Ishine júrekjardy tilegimdi jazdym, – dedi Dáýlet Muqaev.
Bul jaǵdaiǵa jýrnalist Dias Nuraqyn da pikir bildirdi. Ol áleýmettik jelidegi jazbasynda zań shyǵarýshy organnyń jeke máselelerge paidalanylýyn synǵa aldy.
– Zań shyǵarýshy organ geshtalt jabatyn jerge ainalǵan ba? Eger mundai áreketterge toqtaý bolmasa, erteń quda-jekjatty da memlekettik mekemelerdiń atynan quttyqtaý qalypty jaǵdaiǵa ainalýy múmkin, – dep jazdy jýrnalist.
Aita keteiik, buǵan deiin de keibir depýtattardyń jeke quttyqtaýlary qoǵamda qyzý talqylanǵan edi.
