2026 jylǵy 11 mamyrda Túrkiianyń Turkish Airlines áýe kompaniiasyna tiesili jolaýshylar ushaǵynda Katmandý halyqaralyq áýejaiynda oqys jaǵdai tirkeldi, dep habarlaidy dalanews.kz.
Aldyn ala málimet boiynsha, Airbus A330 laineri Ystambul–Katmandý baǵyty boiynsha reis oryndap, eshqandai aqaýsyz jerge qonǵan. Alaida ushaq rýlejdik jolǵa shyqqan sátte shassidiń janynan tútin baiqalǵan.
Bortta 273 jolaýshy jáne 11 ekipaj múshesi bolǵan. Tútin anyqtalǵannan keiin barlyq jolaýshylar úrlemeli traptar arqyly shuǵyl evakýatsiialandy. Áýejaidyń jumysy ýaqytsha toqtatyldy.
Aldyn ala boljam boiynsha, órttiń shyǵýyna gidravlikalyq suiyqtyqtyń tejegish júiege túsýi sebep bolýy múmkin. Órt sóndirýshiler oqiǵa ornyna jedel jetip, jalyndy birneshe minýt ishinde tolyq sóndirgen.
Qazirgi ýaqytta oqiǵanyń naqty sebepteri anyqtalyp jatyr.
