Aitýynsha Qazaqstan azamattarynyń el ishinde kóship-qonýy zańdy quqyqtary. Úlken qalalardaǵy bos jumys oryndaryna, oqýǵa aýyl jastaryn tartý kerisinshe memleket saiasaty deidi ministr.
Májilis vitse-spikeri Vladimir Bojkonyń aýyl jastarynyń qalalarǵa kóshin toqtatý týraly bastamasy zańǵa qaishy. Tamara Dúisenova áriptesiniń ne sebepti bundai daýly málimdeme jasaǵanyn bilmeidi.
Bir anyǵy depýtattyń keshegi zildi sózi, Dúisenovanyń búgin úkimetke ákelgen kóshi-qon týraly zań tujyrymdamasymen da qarama-qaishy eken.
“Men endi ol kisiniń aitqanyna kommentarii bere almaimyn. Bálki, basqa máselede aitylǵan bolýy kerek. Biz qazir aýyl jastaryn oqýǵa tartyp, qai jerde jumys kúshi kerek bolsa, jumysqa tartý máselesin qarastyryp jatyrmyz”, – deidi QR Eńbek jáne halyqty áleýmettik qorǵaý ministri Tamara Dúisenova.
Osyndai talaptary bar zań jobasy jaqyn arada taǵy sol, bildei bir májilis tóraǵasynyń orynbasary Bojkonyń aldyna barady. Eldiń kóshi-qon saiasaty týraly zańynyń kontseptsiiasynda ishki migratsiiamen qatar, qiyrdaǵy qandastardyń kóshine qan júgirtetin birqatar jaǵymdy jańalyqtary bar. Máselen, atamekenge oralýdy qoldan qiyndatyp kelgen sottylyq týraly anyqtama endi qajet emes. Dáliregi ol úshin endi kóshpen áýre bop júrgen azamat júgirmeidi.
“Ishki ister ministrligi men Qytaidaǵy bizdiń elshilik, Qytaidyń elshiligi birge jumys istep, ózara kelisim tapty. IIM ózi suraý jasaityn boldy”, – dedi ministr.
Sondai-aq, Qazaqstan qiyrdaǵy qazaqtardyń ýaqytsha bolsa da atamekenge kelip qyzmet etýine shekarany ashpaq. Eńbek naryǵynda olar jumys migranty sanalmaidy. Elimiz tipti jaqyn arada sheteldegi bilikti qazaqtardy ortaq bazaǵa tirkep, arnaiy aldyrtyp, el igiligine jumys istetýdi josparlap otyr.
“Eger de bilikti, joǵary bilimi bar mamandar osynda kelip jumys isteimin dese jumys berýshilerge beriletin ruqsattary tegin bolady. Tegin ýaqytsha jumys isteýge nemese 10 jylǵa deiin jumys isteýge múmkinshiligi bar, odan keiin ol azamattyń bizdiń eldiń azamattyǵyn alý-almaýy óziniń quqyǵynda bolady”, – deidi Dúisenova.
Ministrlik qandastardyń sol elderdegi jumys ótilin de eskerip, zeinetaqy taǵaiyndaý máselelerin qarastyryp jatyr eken.
“Eger de TMD elderi boiynsha kedergiler bolmasa, syrtqy elderdiń eńbek ótili, sol shetelde istegenderi bizdiń zeinetaqymen qamsyzdandyrý zańy boiynsha eskerilmeidi. Ol ras. Ol úshin eki memlekettiń arasyndaǵy ekijaqty kelisimder arqyly sheshiledi. Qazir ondai másele Mońǵoliia tarapynan da kóterilip jatyr”, – dedi QR Eńbek jáne halyqty áleýmettik qorǵaý vitse-ministri Birjan Nurymbetov.
Aita ketsek, zeinetkerlikke shyǵyp, elge oralǵan azamattar bul jaqta nebary 10-12 myń teńge zeinetaqy alady.
Osylaisha kúlli álemge shashyraǵan qazaqtardy atamekenge qaitarý saiasatynyń sapasy artýy tiis. Ótken jyldyń ózinde qiyrdan 17 myńǵa jýyq qazaq otbasy kóshipti. Bul 2015 jyldyń kóshinen jeti esege artyq.
