Aýdandyq Bilim bólimi basshysynyń mindetin atqarýshy Serik Tórebekov 2016-2017 oqý jylynyń kórsetkishteri boiynsha baiandama jasady. "Búgingi tańda Maqtaral aýdandyq Bilim bólimine qarasty 124 mektep jumys isteidi. Onyń 121-i jalpy, 3-ýi negizgi orta mektepter. Osy bilim oshaqtarynda 75 myńnan astam oqýshy tárbielenýde. Sondai-aq, saz mektepteri, mekteparalyq oqý-óndiristik kombinaty, balalar men jasóspirimder shyǵarmashylyq ortalyǵynda 2146 oqýshy qosymsha bilim alýda. 9255 pedagog oqý-tárbie jumystaryn júrgizýde" - dedi S.Tórebekov.
Jalpy, aýdandyq Bilim bóliminiń málimeti boiynsha derekterdi keltiretin bolsaq, aýdanda 2007 jyly 118 mekteptiń 50-i (42,4 %) tiptik ǵimarattarda ornalasqan bolsa, búgingi tańda tiptik úlgidegi ǵimaratta ornalasqan mektepter sany 97-ge (72,2 %) jetip otyr. Aýdan ákimi Ǵ.Ismailovtyń tikelei qadaǵalaýymen biyl mektepterdiń qysqy maýsymǵa daiyndyq jumystary keń aýqymda júrzilip jatyr. Máselen, ákimniń 2017 jylǵy 13 maýsymdaǵy "Kommýnaldyq menshik bolyp tabylatyn jalpy orta bilim berý uiymdarynyń jylytý qazandyqtary men jylý júielerin ýaqytsha senimgerlik basqarýǵa berý týraly" №534 qaýlsy negizinde barlyq mektepte gidravikalyq syǵymdaý júrgizip, anyqtalǵan aqaýlardy qalypqa keltirý jumystary, aqaý anyqtalmaǵan mektepterge tólqujat daiyndaý jumystary jasalǵan. Mektepterdiń jylytý qazandyqtaryn tabiǵi gazǵa aýystyrýǵa jáne tozyǵy jetken qazandyqtardy aýystyrýǵa jergilikti biýdjet esebinen 186 mln 662 myń teńge bólindi.
Biyl 11 synypty bitirgen 4172 oqýshynyń 2648-i UBT-ǵa qatysýǵa ótinish berip, onyń 2646-y qatysty. Aýdannyń ortasha kórsetkishi 70,5 ball bolyp, ótken jyldan 6,48 balǵa tómendegen. 70 mektepten 318 oqýshy 100 jáne odan da kóp ball jinaǵan. Eń joǵary kórsetkishti 136 ballmen B.Momyshuly gimnaziia mektebiniń oqýshysy Jaqsybai Abdýǵani kórsetken.
Jańa oqý jylynda 2,5,7 synyptardy oqýlyqtar jáne oqý-ádistemelik keshendermen 100% qamtamasyz etý úshin 453 million 587,1 myń teńge qarjy josparlanǵan, jergilikti biýdjetten oqýlyqtarǵa 280 million teńge, aýdandyq máslihattyń 2017 jylǵy 11 maýsymdaǵy sheshimimen qosymsha 40 million teńge, jalpy 320 million teńge qarjy qaraldy.
Maqtaral aýdanynda 2016-2017 oqý jylynda 1-4 synypty bitirgen 28 775 oqýshynyń 75%-y mektep janyndaǵy lagerlerge jiberilse, 1-10 synyptan 280 oqýshy "Tolaǵai", "Erkejn" balalar jazǵy saýyqtyrý lagerlerinde jazǵy demalyspen qamtyldy. Budan basqa, oqý jylynda 374 oqýshy "Taý samaly" oqý-saýyqtyrý ortalyǵyna, 2 oqýshy Kókshetaýdaǵy "Baldáýren" saýyqtyrý ortalyǵyna demalysqa jiberilgen.
Aýdandyq Bilim bólimi basshysynyń mindetin atqarýshy S.Tórebekovtyń baiandamasynan soń sóz jarysqa shyqqan B.Momyshuly mektep gimnaziiasynyń direktory Ó.Qozybaq óziniń jetistikke jetý tájiribesimen bólisti. Gimnaziia biyl da oblysta kósh bastap, 40 altyn belgi, 17 úzdik attestatty shyǵaryp otyr. Shákirtteriniń barlyǵy derlik memlekettik grant iegeri atandy. Sondai-aq, oblystyq Bilim basqarmasynyń ádistemelik kabinetiniń basshysy N.Qalieva sóz jarysqa shyǵyp, biylǵy oqý jylyndaǵy bilim salasyndaǵy ózgerister týraly aýdan muǵalimderin habardar etti.
Jiyndy qorytyndylaǵan aýdan ákimi Ǵ.Ismailov: "Bilim berý salasy - el damýyndaǵy eń mańyzdy salalardyń biri. Óitkeni, keleshek maman, bolashaq el basqaratyn azamattar - eń alǵashqy bilimin mektep qabyrǵasynda júrip alady. Biylǵy jyldyń ózinde Maqtaral aýdanynda 3 mektep paidalanýǵa tapsyrylady, taǵy qurylysy júrip jatqan 5 mektep kelesi oqý jylynda iske qosylady. Mektepterdiń materiialdyq-tehnikalyq jabdyqtalýyna 2017 jyly 450 million teńge qarjy, onyń ishinde partaǵa 84 million, mýltimedia kabinetine - 163 million, robototehnikaǵa - 115 million teńge bólinip otyr. Budan basqa jylytý maýsymyna, oqýlyqtarǵa qanshama qarjy qaralýda. Endeshe, barsha ustazdarǵa jańa oqý jylyn jańa qadamdarmen, jasampazdyqpen bastai berýine tilektestigimdi bildiremin!" - dedi.
Konferentsiianyń sońynda belsendi mektep direktorlary men ustazdar qaýymy aýdan ákiminiń, oblystyq bilim basqarmasy basshysynyń atynan alǵys hattar men madaqtamalar aldy. Tamyz keńesinen shabyt alǵan maqtaraldyq bilim salasynyń qyzmetkerleri osylaisha jańa oqý jylyna úlken qarqynmen qadam jasady.
Maqtaral aýdany ákiminiń baspasóz qyzmeti
