Kerýen sapynda Altyn adam, Arystanbab, Qoja Ahmet Iasaýi, Ál-Farabi syndy tarihi tulǵalar men ǵulamalar, handar men batyr, biler beinesindegi óner azamattary, EKSPO arýy men ulttyq kiim kiingen ánshi, bishiler, tsirk ónerpazdary jáne taiqazan, arba syndy ultyq qundylyqtarymyzdy aishyqtaityn buiymdar bar. Óńirdiń tarihi kelbetin tanytar óner kóshine 500-ge jýyq ónerpaz qatysyp, jergilikti kompozitorlar Sh.Qaldaiaqov, S.Bəiterekovtiń ənderin qosyla oryndady.
Kerýen basy «Qazyna», «Shattyq», «Shamsinýr» bi ansamblderiniń oryndaýyndaǵy «Mereke dýman» biimen bastaý alyp, «Báiterek» alańynda 600 jas dombyrashynyń bir mezette Q.Saǵyrbaiulynyń «Balbyraýyn» kúiin oryndaýymen aiaqtaldy.
Ońtústik Qazaqstan oblysynyń Astanadaǵy birinshi kúni «Báiterek» alańynda oblystyń óner sheberleriniń «Sálem, Astana! Sálem, EKSPO-2017!» merekelik kontsertimen qorytyndylandy.
Kontsertte QR Mádeniet qairatkeri Aijan Tajenova «Dombyra týraly ballada» oryndasa, «Ońtústik-Tsirk» mekemesiniń «H-bend» estradalyq djaz ansambli zamanaýi shyǵarmalar usyndy. Sh.Qaldaiaqov atyndaǵy oblystyq filarmoniianyń ánshileri «EKSPO-2017» týraly án shyrqasa, «Semser» toby "Otyrardaǵy toi" ənimen óńirdiń kieli ólkesin dəriptedi. "Órken" otbasylyq ansambli, "Asý" triosy men kóptegen óner sańlaqtary óner dýmanymen Astana keshin asqaqtatty. Ońtústiktiń týmasy, Qazaqstannyń eńbek sińirgen ərtisi, estrada ənshisi Gúlnər Siqymbaeva astanalyq kórermendi əsem daýsymen tənti etti.
Kórermendi án men kúige bólegen Ońtústiktiń óner maitalmandary búgingi keshte 30-dan asa tańdaýly nómirlerimen el yqylasyna bólendi.
Shara barysynda oblys ákiminiń orynbasary Sədibekov Ulasbek Sədibekuly elimizdiń barlyq oblys ákimderi qol qoiǵan EKSPO týyn «Astana EKSPO-2017» Halyqaralyq mamandandyrylǵan kórmesiniń komissary Joshybaev Rapil Seithanulyna saltanatty túrde tabystady.
Aita keteiik, 29 mamyr kúni ońtústikqazaqstandyq 10 baiker EKSPO-2017 kórmesiniń qurmetine respýblikalyq motosherý uiymdastyryp, mototsiklmen elimizdiń birqatar oblystaryn júrip ótip Astanadaǵy ótip jatqan halyqaralyq mamandandyrylǵan kórmesine kelgen bolatyn.
Jalpy, Ońtústik Qazaqstan oblysynyń mádeniet kúnderi aiasynda kúngei jerinen kelgen 1 myńnan astam ərtister astanalyqtarǵa óz ónerlerin usynatyn bolady.
OQO ákiminiń baspasóz qyzmeti
