Sybailas jemqorlyqqa qarsy is-qimyl Ulttyq biýrosynyń habarlaýynsha tanymal oppozitsiialyq jýrnalist Janbolat Mamai Qazaqstandaǵy Muhtar Ábiliazovtyń sybailasy bolǵan.
Bul týraly atalǵan vedomstvonyń baspasóz -qyzmeti habarlap otyr.
"Tergeý barysynda Muhtar Ábiliazovtyń Qazaqstandaǵy jańa kómekshisi Mamai Janbolat Mamaiuly ekeni belgili boldy. Ol BTA Bankten jymqyrylǵan aqshalai qarajattyń bir bóligin «Saiasi qalam: Tribýna» gazeti arqyly resmi qarjylyq operatsiialar júrgizý jolymen jasyryp qalǵan.
Ázirgi kúni Ulttyq biýro tarapynan «BTA Bank» AQ Direktorlar keńesiniń burynǵy tóraǵasy Ábiliazov jáne onyń ainalasyndaǵy tulǵalarǵa qatysty banktiń aqshalai qarajatyn jymqyrý faktisi boiynsha qylmystyq isti tergeýdi jalǵasýda.
Mamaiǵa qatysty qylmystyq qarjyny zańdastyrý faktisin rastaityn qarjylyq jáne ózge de qujattardyń ornalasýy múmkin oryndarǵa tintý jasalýda" delingen habarlamada.
Janbolat Mamai 1988 jyly Almaty qalasynda ómirge kelgen.
2007 jyly Muhtar Shahanov atyndaǵy "Rýh men til" klýbyna jetekshilik etti.
Keiinnen "Jas Alash" gazetinde jumys istedi. "Trýbina" gazetiniń bas redaktory boldy.
2012 jyly Jańaózendegi áleýmettik arazdyqty qozdyrdy degen aiyp taǵylyp, úsh ai boiy tergeý izoliatorynda otyrdy. Keiinnen bosap shyqty.
2013 jyly Almatynyń ákimshilik soty "Ashyq alań" (Tribýna) gazetine úsh ai kóleminde jaryq kórýine tyiym salyp, basylymnyń iesine 212 myń teńge aiyppul tóletkizdi.
