Iranda ulttyq valiýtanyń kúrt qunsyzdanýy men infliatsiianyń ósýine bailanysty eldiń birneshe óńirinde jappai narazylyqtar ótip jatyr, dep habarlaidy Dalanews.kz.
Halyqaralyq derekterge sáikes, rial rekordtyq deńgeide arzandap, infliatsiia 40%-dan asqan. Azyq-túlik baǵasy sońǵy bir jylda 70%-ǵa deiin kóterilgen.
Narazylyqtar iri qalalardan bastalyp, keiin basqa aimaqtarǵa taraǵan. Aktsiialarǵa stýdentter, bazar qyzmetkerleri jáne turǵyndar qatysqan. Kei jerlerde qaqtyǵystar bolǵany habarlandy.
Qaza tapqandar men zardap shekkender bar ekeni aitylǵanymen, resmi derek áli jariialanǵan joq. Bilik jaǵdai baqylaýda ekenin málimdep, ashyq dialogqa daiyn ekenin jetkizdi.
Sarapshylar bul oqiǵalardy Irandaǵy keiingi jyldardaǵy eń iri áleýmettik-ekonomikalyq tolqý dep baǵalap otyr.
