2026 jyldan bastap Qazaqstanda birqatar ózgeris bolady, dep habarlaidy Dalanews.kz.
Búginnen bastap Qazaqstanda jańa Salyq kodeksi kúshine endi. Soǵan sáikes salyq saiasaty qatańdaidy: jyldyq tabysy 36 mln teńgeden asatyn azamattar 15% jeke tabys salyǵyn tóleidi. Qosylǵan qun salyǵy 16%-ǵa deiin ósedi, bul taýarlar men qyzmet baǵasyna áser etýi múmkin.
Sonymen qatar, dári-dármek pen meditsinalyq qyzmetterge 2026 jyldan bastap 5% QQS, al 2027 jyldan bastap 10% deńgeiinde engiziledi. Degenmen tegin meditsinalyq kómek pen MÁMS aiasyndaǵy birqatar qyzmet QQS-tan bosatylady.
Zeinetaqy men áleýmettik tólemder 10%-ǵa artady. Ailyq eseptik kórsetkish te ósip, soǵan bailanysty keibir aiyppuldar men qyzmetter qymbattaidy.
2026 jyldan bastap jeke kýálikti alǵash alý tegin bolady, biraq pasport, júrgizýshi kýáligi men nekeni tirkeý qyzmetteri qymbattaidy. Sondai-aq, kópbalaly otbasylarǵa jáne ipotekaǵa beriletin birqatar salyq jeńildikteri joiylady.
Sarapshylardyń aitýynsha, Jańa jyl azamattar úshin tek demalyspen emes, biýdjet pen qarjyny qaita josparlaý qajettiligimen bastalmaq.
