Qazaqstanda 2025 jylǵy 31 jeltoqsannan 2026 jylǵy 1 qańtarǵa qaraǵan túni shamamen 50 myń adam Jańa jyldy poiyzda qarsy aldy. Bul týraly "Qazaqstan temir joly" ulttyq kompaniiasy málimdedi, dep habarlaidy Dalanews.kz.
QTJ málimetinshe, mereke túni temirjol qyzmetkerleri táýlik boiy jumys istegen. Jańa jyl qarsańynda júk jáne jolaýshylar tasymalyna qatysatyn myńdaǵan mashinis kezekshilikke shyqqan.
Sonymen qatar, temirjol vokzaldarynda bilet kassalarynyń bir bóligi túngi ýaqytta da qyzmet kórsetken.
Respýblika boiynsha 81 poiyz jolǵa shyǵyp, 1 600-den asa jolserik jolaýshylardy alǵashqylardyń biri bolyp Jańa jylmen quttyqtady.
