Kentaý qalasyndaǵy qoǵamdyq tamaqtaný ornynda órt shyqty, dep habarlaidy Dalanews.kz.
Búgin túnde Túrkistan oblysy Kentaý qalasynda kópqabatty turǵyn úidiń birinshi qabatynda ornalasqan qoǵamdyq tamaqtaný ornynda gaz-aýa qospasy jarylyp, sonyń saldarynan órt shyqty.
Órt sóndirý bólimsheleriniń kúshimen tilsiz jaý jedel túrde aýyzdyqtalǵan.
"Oqiǵa saldarynan 1 adam qaza tapty. Taǵy 4 adam aýrýhanaǵa jetkizildi, olardyń 2-eýi jansaqtaý bóliminde jatyr. Olar tolyq meditsinalyq baqylaýda", - dedi TJD ókilderi.
Túrkistan oblysynyń ákimi Nuralhan Kósherov oqiǵa ornyna kelip, jaýapty qyzmettermen jedel keńes ótkizip, jaǵdaidy jeke baqylaýyna alǵan. Jedel shtab quryldy. Bul derek boiynsha qylmystyq is qozǵalyp, tergeý amaldary júrgizilip jatyr.
