كەنتاۋ قالاسىنداعى قوعامدىق تاماقتانۋ ورنىندا ءورت شىقتى، دەپ حابارلايدى Dalanews.kz.
بۇگىن تۇندە تۇركىستان وبلىسى كەنتاۋ قالاسىندا كوپقاباتتى تۇرعىن ءۇيدىڭ ءبىرىنشى قاباتىندا ورنالاسقان قوعامدىق تاماقتانۋ ورنىندا گاز-اۋا قوسپاسى جارىلىپ، سونىڭ سالدارىنان ءورت شىقتى.
ءورت ءسوندىرۋ بولىمشەلەرىنىڭ كۇشىمەن ءتىلسىز جاۋ جەدەل تۇردە اۋىزدىقتالعان.
"وقيعا سالدارىنان 1 ادام قازا تاپتى. تاعى 4 ادام اۋرۋحاناعا جەتكىزىلدى، ولاردىڭ 2-ەۋى جانساقتاۋ بولىمىندە جاتىر. ولار تولىق مەديسينالىق باقىلاۋدا"، - دەدى تجد وكىلدەرى.
تۇركىستان وبلىسىنىڭ اكىمى نۇرالحان كوشەروۆ وقيعا ورنىنا كەلىپ، جاۋاپتى قىزمەتتەرمەن جەدەل كەڭەس وتكىزىپ، جاعدايدى جەكە باقىلاۋىنا العان. جەدەل شتاب قۇرىلدى. بۇل دەرەك بويىنشا قىلمىستىق ءىس قوزعالىپ، تەرگەۋ امالدارى جۇرگىزىلىپ جاتىر.
