Qazaqstandaǵy arnaıy halyqqa qyzmet kórsetý ortalyqtarynda (arnaıy HQKO) avtokólikterge arnalǵan memlekettik tirkeý nómirlerin erkin tańdaý múmkindigi 5 qańtardan bastap qoljetimdi bolady. Bul týraly ishki ister mınıstrliginiń baspasóz qyzmeti málimdedi, dep habarlaıdy Dalanews.kz.

"MTBN-ny tańdaý qyzmetin azamattar 2026 jylǵy 5 qańtardan bastap ARNAIY HQKO arqyly paıdalana alady. Kez kelgen qalaǵan áriptik jáne sandyq kombınasıasy bar nómirdiń quny 10 AEK jáne 15 AEK kóleminde bolady (suranysy joǵary nómirler bul sanatqa kirmeıdi, olardy alý úshin bólek alymdar qarastyrylǵan)", — dedi juma kúni İİM Ákimshilik polısıa komıtetiniń erekshe tapsyrmalar jónindegi aǵa ınspektory Araı Tólegenqyzy.

İİM-niń túsindirýinshe, halyq úshin qolaıly jaǵdaı jasaý maqsatynda qalaǵan sıfrlyq jáne áriptik belgisi bar memlekettik nómirlerdi erkin tańdaý múmkindigin kózdeıtin normalar ázirlenip, olar 2026 jylǵy 1 qańtardan bastap kúshine endi.