Qazaqstanda neshe bas jylqy bar? Dalanews.kz derekterge sholý jasady.
2025 jylǵy alǵashqy alty aida elde iri qara men jylqy sany aitarlyqtai artqan. Aýyl sharýashylyǵy ministrliginiń málimetinshe, siyr 8,8 mln, al jylqy 4,7 mln basqa jetken.
Sonymen qatar, Qazaqstan jylqy sany boiynsha álemdegi alǵashqy bestikke engen. Bul týraly World Population Review uiymynyń 2025 jylǵy reitinginde aitylǵan.
Tizimniń kósh basynda Meksika tur: elde shamamen 6,5 million jylqy bar. Ekinshi orynda AQSh (6,3 mln), úshinshi orynda Braziliia (5,8 mln). Aziia elderi arasynda Qazaqstan men Mońǵoliia birinshi oryndy bólisip otyr: eki elde de 4,8 million jylqydan tirkelgen. Odan keiin Qytai tur, onda 3,7 million jylqy bar.
Zertteý avtorlarynyń málimetinshe, Mońǵoliia, Qazaqstan jáne Qytaidaǵy jylqy sany 2023 jyldan beri turaqty kúiinde saqtalyp otyr.
Elde jylqy sany eń kóp óńir - Túrkistan oblysy (508 810 bas). Ekinshi orynda Abai oblysy (456 492) tur, al úzdik úshtikti Qaraǵandy oblysy (449 048) túiindeidi. Eń az jylqy Atyraý oblysynda tirkelgen: 149 263 bas.
