قازاقستاندا نەشە باس جىلقى بار؟ Dalanews.kz دەرەكتەرگە شولۋ جاسادى.

2025 جىلعى العاشقى التى ايدا ەلدە ءىرى قارا مەن جىلقى سانى ايتارلىقتاي ارتقان. اۋىل شارۋاشىلىعى مينيسترلىگىنىڭ مالىمەتىنشە، سيىر 8،8 ملن، ال جىلقى 4،7 ملن باسقا جەتكەن.

سونىمەن قاتار، قازاقستان جىلقى سانى بويىنشا الەمدەگى العاشقى بەستىككە ەنگەن. بۇل تۋرالى World Population Review ۇيىمىنىڭ 2025 جىلعى رەيتينگىندە ايتىلعان.

ءتىزىمنىڭ كوش باسىندا مەكسيكا تۇر: ەلدە شامامەن 6،5 ميلليون جىلقى بار. ەكىنشى ورىندا اقش (6،3 ملن)، ءۇشىنشى ورىندا برازيليا (5،8 ملن). ازيا ەلدەرى اراسىندا قازاقستان مەن موڭعوليا ءبىرىنشى ورىندى ءبولىسىپ وتىر: ەكى ەلدە دە 4،8 ميلليون جىلقىدان تىركەلگەن. ودان كەيىن جۇڭگو تۇر، وندا 3،7 ميلليون جىلقى بار.

زەرتتەۋ اۆتورلارىنىڭ مالىمەتىنشە، موڭعوليا، قازاقستان جانە قىتايداعى جىلقى سانى 2023 جىلدان بەرى تۇراقتى كۇيىندە ساقتالىپ وتىر.

ەلدە جىلقى سانى ەڭ كوپ ءوڭىر - تۇركىستان وبلىسى (508 810 باس). ەكىنشى ورىندا اباي وبلىسى (456 492) تۇر، ال ۇزدىك ۇشتىكتى قاراعاندى وبلىسى (449 048) تۇيىندەيدى. ەڭ از جىلقى اتىراۋ وبلىسىندا تىركەلگەن: 149 263 باس.