Sharanyń shymyldyǵyn túrgen saıasattanýshy Edýard Poletaev óz sózinde atalǵan jarystyń Qazaqstannyń saıası ımıjin qalyptastyrýǵa mańyzdy oryn alatynyn aıtyp ótti. «Osy arqyly biz álemge iri-iri halyqaralyq sharalardy qabyldaı alatynymyzdy dáleldedik» dedi ol.
Al odan keıin sóz alǵan jýrnalıs Sergeı Kozlovtyń pikirinshe, osyndaı sharalardy qabyldaý arqyly, Qazaqstan óziniń sport mádenıetin qalyptastyrady. «Aıtalyq, Londonda senbi jáne jeksenbi kúnderin halyq sportqa arnaıdy. Ýnıversıada el arasynda sport mádenıetin qalyptastyrýǵa septesedi dep oılaımyn» deıdi ol.
Saıasattanýshy Ádil Káýkenovtyń pikirinshe Ýnıversıadadan keıin Qazaqstannyń Qysqy Olımpıadany qabyldaý múmkindigi ósti.
Al saıasattanýshy Aıdarhan Qusaıynov óz sózinde: «Iá, sport eldi biriktiredi. Biraq, bul salany júıeli túrde damytý kerek. Sebebi, sport ta saıasat. Sporttyń túrli salasyn damytýǵa qarjy kerek» degen pikir bildirdi.
Óz kezeginde Qusaıynovtyń sózin tolyqtyra ketken sarapshy Anton Morozov: «Ýnıversıada ótedi, ketedi. Biz odan keıin qalatyn sporttyq nysandarǵa mán berý kerekpiz. Erteń olar qańyrap qalmaı ma? Olardy tıimdi paıdalaný kerek. Týrıserdi Ýnıversıada ótkesin de molynan shaqyrýǵa bolady» dedi.
Jıyndy qorytyndylaǵan sarapshy Mádına Nurǵalıeva óz kezeginde Ýnıversıadanyń sporttyq nysandaryna qańyrap qalmasyna senim bildirdi. «Halyq sporttyń ózine, balalaryna kerek ekenin túsinip keledi» dedi ol.
