Qazaqstanda balalardyń demalysy men qaýipsizdigin kúsheitýge baǵyttalǵan jańa talaptar engiziledi. Memleket basshysy osyǵan qatysty zańǵa qol qoidy, dep habarlaidy Dalanews.kz.
2026 jyldan bastap elimizdegi statsionarlyq balalar lagerleri mindetti túrde litsenziia negizinde jumys isteitin bolady. Bul talap jyl boiy nemese maýsymdyq rejimde qyzmet kórsetetin lagerlerdiń jumysyna ortaq standart engizýdi kózdeidi.
Jańa zań boiynsha qosymsha bilim berý uiymdary eki sanatqa bólinedi:
— bilim berý-saýyqtyrý baǵytyndaǵy mekemeler litsenziia alýy tiis;
— al ózge uiymdar qyzmetin habarlama tártibimen júzege asyra alady.
Sarapshylardyń pikirinshe, bul jańashyldyq saladaǵy retteý tetigin jeńildetip, kórsetiletin qyzmet sapasyn arttyrýǵa yqpal etedi.
Litsenziialaý 2026 jylǵy 1 sáýirden bastap kúshine enedi. Osy arqyly balalardyń demalysy, oqý úrdisi jáne saýyqtyrylýyna qatysty biryńǵai qaýipsizdik talaptary belgilenbek.
Sonymen birge litsenziianyń qoldanylý merzimi bir jyldan bes jylǵa deiin uzartyldy. Bul uiymdardyń ákimshilik júktemesin azaityp, qujattardy jyl saiyn qaita rásimdeý qajettiligin joiady. Alaida memlekettik baqylaý tetigi burynǵydai saqtalady.
