Áleýmettik jelide Sheshen Respýblikasy basshysy Ramzan Qadyrovtyń qaitys bolǵany týraly aqparat tarady, dep habarlaidy Dalanews.kz.
Málimetterge súiensek, jeltoqsan aiynyń sońynda onyń jaǵdaiy aýyrlap, Máskeýdegi Prezident is basqarmasy ortalyq klinikalyq aýrýhanasyna jetkizilgen.
“Novaia gazeta Evropa” basylym deregine sáikes, Qadyrov 25 jeltoqsanda ótetin Memlekettik keńes otyrysyna qatysýy tiis bolǵan, sol kúni Máskeýde júrgen. Alaida 24-nen 25 jeltoqsanǵa qaraǵan túni ol reanimobilmen aýrýhanaǵa jetkizilgen. Basylym málimetinshe, Máskeýde onyń ómirin áreń saqtap qalǵan, keiin úiine qaitarǵan. Sodan beri ol kópshilik aldyna shyqpaǵan.
Keiingi ýaqytta birqatar BAQ kózi Qadyrovtyń densaýlyǵy edáýir nasharlaǵanyn, onyń jyl ishinde tórt ret eńbek demalysyna shyqqanyn, sonyń biri eki aiǵa sozylǵanyn habarlaǵan.
Jaqynda ótken tikelei efir barysynda Qadyrov óziniń jai-kúiine bailanysty pikir bildirip, júike saldaryna bailanysty mazasyz kúi keship júrgenin aitqan. Muny ol Ýkrainadaǵy maidanda júrgen sheshen jaýyngerlerine alańdaýshylyǵymen túsindirgen.
“Novaia gazeta Evropa” jazýynsha, biyl Qadyrovqa eki ret nemis dárigerleri keńes bergen: keiingisi qarasha aiynda Dýbaidaǵy jekemenshik klinikada ótken. Alaida em nátijesi oń bolmaǵany aitylady.
Al búgin BAQ betterinde Qadyrovtyń qaitys bolǵany týraly aqparat tarai bastady.
Aita keteiik, Ramzan Qadyrov Sheshen Respýblikasyn 2007 jyldan beri basqaryp keledi.
