– Eger Reseı kelisimin berse, Qazaqstannan elimizge qajette munaıdy jetkizetin múmkindigi bar. Ókinishke oraı, bizdiń odaqtasymyz buǵan kelisimin bermeýde. Bul jaıtty qalaı túsinýge bolady? Bizder bul máseleniń jaqyn ýaqytta sheshýimiz qajet, – dedi Aleksandyr Lýkashenko.
Belorýs prezıdenti munaıǵa qatysty Máskeý men Mınsk arasynda tutanǵan daýdan keıin qara altyndy jetkizýdiń jańa joldaryn izdestire bastaǵan bolatyn.
Olar «Drýjba» munaı qubyry arqyly Polshadan Amerıka men Saýd Arabıasynda óndirilgen qara altyndy eksporttaýdy kózdegen-di. Óz kezeginde Belorýs eliniń vıse-premer Dmıtrıı Krýtoı Ýkraına, Polsha, Qazaqstan, Ázirbaıjan jáne Baltyq jaǵalaýy elderinen munaı tasymaldaýǵa kúsh salatynyn aıtqan-dy.
Al ótken jyldyń jeltoqsan aıynda QR Energetıka mınıstri Áset Maǵaýov Belorýs tarabymen munaı jetkizý máselesi jaıynda keńesip jatqandaryn alǵa tartqan bolatyn. Sondaı-aq, ol taraptar qandaıda bir kelisimge kelgennen keıin, Reseımen munaıdy jetkizý máselesi boıynsha keńestetinderin de aıtqan bolatyn.
Eger bul iske Reseı qarys turmasa, Qazaqstan Belorýs memleketine 3,2 mıllıona tonnaǵa deıin munaı eksporttap, paıda tabýyna bolady.
