«Jetisai» indýstrialdy aimaǵynda biyl jalpy quny 33 mlrd teńgege 11 jobany qolǵa alý josparlanǵan. Nátijesinde 1 870 jańa jumys orny ashylady dep kútilýde. Búgingi tańda josparǵa sáikes, 4 joba maquldanyp, investorlar qurylys jumystaryn bastady. Bul týraly Jetisai aýdanynyń ákimi Serik Mamytov BAQ ókilderimen ótken brifingte málimdedi,- dep habarlaidy Dalanews.kz
Jetisai aýdanynda óńir kásipkerlerine qolaily jaǵdai jasaý maqsatynda Asyqata kentinen 59 gektar jer aýmaǵyna «Jetisai» indýstrialdy aimaǵy qurylǵan bolatyn. Qazirgi tańda indýstrialdy aimaqty infraqurylymmen qamtý maqsatynda jobalaý-smetalyq qujattary ázirlenýde.
«Óńirde qurylǵan indýstrialdy aimaq aýdanymyzdyń ekonomikasyna ózindik oń áserin bererine senim mol. Qazirgi tańda aýmaqta «TST Zhetysai Group» JShS-i maqta óńdeý zaýyty men jip iirý fabrikasynyń qurylysyn bastady. Sondai-aq, «Agro sút» sút óńdeý zaýyty, «Birlik - E» maqta óńdeý , «Altyn Kun Group» polietilen qaldyqtaryn, sý únemdeý jabdyqtaryn óndirý zaýyttary boi kóterýde. Aita keteiik, 2024 jyly aýdanda quny 4,3 mlrd. teńgeni quraityn 8 investitsiialyq joba iske asyrylyp, 262 jańa jumys orny qurylǵan bolatyn» - dedi óńir basshysy.
Sonymen qatar, aýdan ákimi biylǵy jyldyń I toqsanynda jalpy óńirlik ónim kólemi 27,4 mlrd teńgege jetkenin jetkizdi. Jalpy 2025 jyly bul kórsetkishti 190,1 mlrd teńgege jetkizý josparlanǵan. 2024 jyldyń qorytyndysynda aýdandaǵy óńirlik ónim kólemi 184,1 mlrd teńgege jetip, 2023 jylmen salystyrǵanda 10 mlrd teńgege artyǵymen oryndalǵan. Sondai-aq, aýdandaǵy ónerkásip óniminiń kólemi 2024 jyly 18,4 mlrd teńgege jetip, 2023 jylmen salystyrǵanda 3,6 mlrd teńgege artqan. Biyl atalǵan kórsetkishti 21,2 mlrd teńgege jetkizý kózdelip, I toqsanda ónerkásip ónim kólemi 4,6 mlrd teńgeni qurap otyr. Aýdannyń negizgi kapitalyna baǵyttalǵan investitsiia kólemi de jyl sanap artyp keledi. Máselen, ótken jyly 43,7 mlrd teńge investitsiia tartylyp, 2023 jylmen salystyrǵanda 18,4 mlrd teńgege artyǵymen oryndalǵan. Biylǵy jyly da bul kórsetkishti arttyra túsý kózdelip otyr.
Aýdan ekonomikasynyń basym bóligin aýyl sharýashylyǵy salasy quraidy. Agroónerkásiptik keshenin damytý baǵytynda 10 myńǵa jýyq sharýa qojalyǵy qyzmet atqarady. Búgingi kúnge 79,2 myń gektar jerge aýyl sharýashylyǵy daqyldary egilgen. Biyl 1,2 myń gektar alqapqa erte pisetin qyryqqabat daqyly egilip, 40 myń tonnadan astam ónim jinaqtalǵan. Qazirgi tańda diqandar qaýyn, qarbyz ónimin jinaýdy bastaǵan. Ónimniń basym bóligi Resei, Belorýssiia, Qyrǵyz elderimen qatar elimizdiń Almaty, Astana, Shymkent qalalaryna jáne basqa da oblystarǵa joldanýda. Jalpy aýdanda ónim kólemin ulǵaitý maqsatynda 321 sharýa qojalyq ieleri 1,2 myń gektar jerden eki ret ónim alý jobasyn iske asyrýda.
Óńir infraqurylymyn jaqsartýda «Aýyl – El besigi» jobasy paidasyn tigizýde. Baǵdarlama aiasynda 2024 jyly 15 eldi mekende 15 jobany iske asyrýǵa 2,5 mlrd teńge bólingen. Bul qarjylar eldi mekenderdi gazdandyrýǵa, joldardy jóndeýge, mádeniet úilerin kúrdeli jóndeýden ótkizýge baǵyttalǵan. Nátijesinde qazirgi tańda aýdandaǵy eldi mekenderdiń tabiǵi gazben qamtý kórsetkishi 81,9%-dy qurap otyr. Jyl sońyna deiin bul kórsetkish 86,6%-ǵa jetedi dep kútilýde. Sondai-aq, aýdan turǵyndaryn aýyzsýmen qamtý kórsetkishi 100%-ǵa jetkenin málimdedi Serik Úsenuly.
