Abai oblysynda jańa altyn óndirý jobasy júzege aspaq. Túrkiialyq Miryildiz Mining kompaniiasy Semei qalasynan shamamen 100 shaqyrym qashyqta ornalasqan Janan ken ornyn igerýge kirisýdi josparlap otyr, dep habarlaidy Dalanews.kz.
Joba aiasynda investor baiytý fabrikasyn turǵyzý, ken ornyn tolyq infraqurylymmen qamtamasyz etý jáne ózge de perspektivaly ýchaskelerde barlaý jumystaryn júrgizý úshin 480 million dollar (shamamen 255 mlrd teńge) baǵyttamaq.
Aldyn ala derekterge sáikes, Janan ken ornyndaǵy altyn qory 750 myń ýntsiiadan asady, bul 23 tonnadan kóp kólemge teń. Kompaniia júrgizgen qosymsha burǵylaý nátijeleri burynǵy geologiialyq málimetterdiń rastalǵanyn kórsetti.
Joba tolyq iske qosylǵan kezde munda 1300-den 1800-ge deiin adam jumyspen qamtylmaq. Mamandardyń basym bóligi jergilikti kadrlardan jasaqtalady. Qazirgi ýaqytta ken ornyndaǵy dalalyq lagerde 150-ge jýyq qyzmetker jumys istep jatyr.
