10 jyl boıy qashyp júrgen kúdikti Germanıadan ekstradısıalandy, dep habarlaıdy Dalanews.kz.
Bas prokýratýra men İshki ister mınıstrliginiń Interpol qyzmetkerleri Qazaqstannyń Germanıa Federatıvtik Respýblıkasyndaǵy elshiliginiń qoldaýymen asa iri mólsherde alaıaqtyq jasaǵan sheteldikti ekstradısıalady.
Kúdikti 2014 jyly adamdarmen aldyn ala sóz baılasyp, kompúterlik tehnıkany jetkizýge járdem kórsetemin dep qazaqstandyq kásipkerden 1 mıllıon AQSH dollary kóleminde qarajatty aldap alǵan.
Qylmys jasaǵannan keıin kúdikti jasyrynyp, oǵan halyqaralyq izdeý jarıalanǵan.
"2025 jyly qyrkúıekte kúdikti Germanıada ustalyp, Bas prokýratýranyń suraýy boıynsha Qazaqstanǵa berildi. Qazir ol tergeý ızolátoryna qamaldy", - dep jazylǵan habarlamada.
