10 جىل بويى قاشىپ جٷرگەن كٷدٸكتٸ گەرمانييادان ەكستراديتسييالاندى, دەپ حابارلايدى Dalanews.kz.
باس پروكۋراتۋرا مەن ٸشكٸ ٸستەر مينيسترلٸگٸنٸڭ ينتەرپول قىزمەتكەرلەرٸ قازاقستاننىڭ گەرمانييا فەدەراتيۆتٸك رەسپۋبليكاسىنداعى ەلشٸلٸگٸنٸڭ قولداۋىمەن اسا ٸرٸ مٶلشەردە الاياقتىق جاساعان شەتەلدٸكتٸ ەكستراديتسييالادى.
كٷدٸكتٸ 2014 جىلى ادامدارمەن الدىن الا سٶز بايلاسىپ, كومپيۋتەرلٸك تەحنيكانى جەتكٸزۋگە جەردەم كٶرسەتەمٸن دەپ قازاقستاندىق كەسٸپكەردەن 1 ميلليون اقش دوللارى كٶلەمٸندە قاراجاتتى الداپ العان.
قىلمىس جاساعاننان كەيٸن كٷدٸكتٸ جاسىرىنىپ, وعان حالىقارالىق ٸزدەۋ جارييالانعان.
"2025 جىلى قىركٷيەكتە كٷدٸكتٸ گەرمانييادا ۇستالىپ, باس پروكۋراتۋرانىڭ سۇراۋى بويىنشا قازاقستانعا بەرٸلدٸ. قازٸر ول تەرگەۋ يزولياتورىنا قامالدى", - دەپ جازىلعان حابارلامادا.
