Qostanaida buǵan deiin aýtizmi bar balalardyń ata-analaryn qorlaǵan bloger jańa is boiynsha ustaldy, dep habarlaidy Dalanews.kz.
Janjal áleýmettik jelidegi tikelei efir kezinde bastalyp, keiin qyzdar máseleni shynaiy ómirde sheshýge kelisken. Nátijesinde bloger Gúlnara Orazalina tóbeles uiymdastyrǵan, dep habarlaidy «31 arna».
Tóbeles videosy áleýmettik jelilerde taralyp, kópshiliktiń nazaryn aýdardy. Kadrda djins kúrteshe kigen qyz – bloger Gýlnara ekeni aityldy. Quqyq qorǵaý organdarynyń málimetinshe, janjal aldymen onlain formatta bastalyp, keiin oflain kezdesýge ulasqan.
Oqiǵa ornynda barlyq qatysýshylar ustalyp, politsiia bólimine jetkizilgen.
«Atalǵan fakti boiynsha qylmystyq is qozǵaldy. Tergeý nátijesi boiynsha ár qatysýshynyń áreketine quqyqtyq baǵa berilip, protsessýaldyq sheshim qabyldanady», – dep habarlady quqyq qorǵaý organdary.
Eske sala keteiik, 2025 jyldyń jeltoqsanynda bloger aýtizm men onkologiialyq aýrýlar balalarǵa ata-anasyna berilgen jaza degen málimdeme jasaǵan. Sot onyń balaǵat sózder aityp, qoǵamǵa qurmetsizdik tanytyp, qoǵamdyq tártipti buzǵanyn anyqtap, 78 myń teńge kóleminde aiyppul salǵan.
