17 sáýirden bastap Qazaqstanda zeınetaqy jınaqtaryn paıdalaný erejesine ózgeris engizildi. Jańa tártipke sáıkes, bul qarajat endi tek ıpotekalyq nesıeniń negizgi qaryzyn jabýǵa ǵana baǵyttalady, dep habarlaıdy Dalanews.kz.
Budan bylaı zeınetaqy aqshasyn banktiń paıyzdaryn tóleýge, sondaı-aq aıyppuldar men ósimpuldardy óteýge paıdalana almaısyz. Mundaı qosymsha tólemderdi qaryz alýshy tek óz qarajaty esebinen tóleýge mindetti.
Eske sala keteıik, buǵan deıin qoldanysta bolǵan talaptar boıynsha zeınetaqy jınaǵyn nesıeniń negizgi somasymen qatar, bank eseptegen syıaqyny óteýge de qoldanýǵa ruqsat etiletin.
