17 ساۋىردەن باستاپ قازاقستاندا زەينەتاقى جيناقتارىن پايدالانۋ ەرەجەسىنە وزگەرىس ەنگىزىلدى. جاڭا تارتىپكە سايكەس، بۇل قاراجات ەندى تەك يپوتەكالىق نەسيەنىڭ نەگىزگى قارىزىن جابۋعا عانا باعىتتالادى، دەپ حابارلايدى Dalanews.kz.
بۇدان بىلاي زەينەتاقى اقشاسىن بانكتىڭ پايىزدارىن تولەۋگە، سونداي-اق ايىپپۇلدار مەن ءوسىمپۇلداردى وتەۋگە پايدالانا المايسىز. مۇنداي قوسىمشا تولەمدەردى قارىز الۋشى تەك ءوز قاراجاتى ەسەبىنەن تولەۋگە مىندەتتى.
ەسكە سالا كەتەيىك، بۇعان دەيىن قولدانىستا بولعان تالاپتار بويىنشا زەينەتاقى جيناعىن نەسيەنىڭ نەگىزگى سوماسىمەن قاتار، بانك ەسەپتەگەن سىياقىنى وتەۋگە دە قولدانۋعا رۇقسات ەتىلەتىن.
