16 sáýirde keshke Almatynyń Bostandyq aýdanynda lai kóshkini júrdi, dep habarlaidy Dalanews.kz.
Almaty qalalyq TJD málimetinshe, Remizovka baý-baqsha seriktestigi aýmaǵynda bolǵan oqiǵa týraly 112 nómirine saǵat 18:10 shamasynda habar túsken. Oqiǵa ornyna jedel túrde TJD, "Qazseldenqorǵaý" mekemesi jáne qalalyq qutqarý qyzmetiniń kúshteri jiberilgen.
Mamandardyń sózinshe, nóser jaýyn saldarynan topyraq shamadan tys ylǵaldanyp, shamamen 300 tekshe metr jer massasy syrǵyp ketken. Sonyń saldarynan ǵimarattyń shatyry zaqymdanǵan. Zardap shekkender joq.
Tótenshe jaǵdaidyń saldaryn joiý jumystaryna 40-qa jýyq adam, 10 tehnika jumyldyrylǵan. Qazir arnaiy komissiia tekseris júrgizip jatyr.
