Umay Boost baǵdarlamasynyń úshinshi aǵynynyń túlekteriniń asyǵy alshasynan tústi. Biznesti tyǵyryqqa tiregen koronavirýs pandemiiasy órship turǵan kezde olar orasan zor paidaly aqparattar alyp, zamanaýi biznes-quraldar men koýchingtik tehnikalardy igerdi.
Bireýleri 100% tabysyn joǵaltyp, óz jobalaryn qaita jandandyrý joldaryn izdese, endi bireýler úshin karantin buryn qoly timei júrgen jańa qyzmetter men tsifrlaýdy iske qosýǵa sebep boldy. Al keibireýlerdiń tipti jumystary qyzý qarqynmen júrip jatty, bul osyndai kezeńde tym oryndy bolyp kóringenimen, ol biznes protsesterdi uiymdastyrýda jańa tásilderdi jáne kúsh-qýatyn barynsha jumsaýdy talap etti.
Baǵdarlamanyń ózińdi kóshbasshylyqta tanýǵa arnalǵan birinshi modýli offlain ótkizildi. Bul týraly psiholog, biznes-konsýltant Kristina Belavich: «Bul beine bir kóripkeldik kezeńi boldy», - deidi.
«Biz oi-óristi keńeitý, ózgerý jáne artqa burylmai, bolashaqqa qalai qaraýǵa bolatyndyǵy jaily kóp áńgimelestik. Aldaǵy bolashaqty aiqyn kóre alatyn biznestegi qyz-kelinshekterdiń osy tańǵajaiyp tobymen jumys isteý men úshin bir ǵanibet boldy!», – dep sarapshy óz oiymen bólisedi.
IT-sheshimderdi meńgerý boiynsha ekinshi modýlde biznes-oilaný shekaralaryn keńeitý kezinde biznes-konsýltant Láilá Uzaqova oqytýdy onlain rejimge aýystyrý tek qatysýshylar úshin ǵana emes, sondai-aq spikerler men uiymdastyrýshylar úshin de baiypty syn-tegeýrin bolǵandyǵyn aitty: «Alaida barlyǵy shuǵyl qaita baǵyttalyp, osy «qara aqqýdy» laiyqty qarsy ala aldy. Bul jaǵdai kópshiligine biznesti aýqymdaýǵa kómektese otyryp, jýyr bolashaqta ózekti bolatyn qashyqtyqtan ózara árekettesý daǵdylaryn meńgerip, nyǵaitýǵa kómektesti».
Biznestiń aqsha aǵyndaryn qurylymdaý, sonymen qatar olardy tolyq josparlaý men baqylaý tásilderine úiretken qarjylyq josparlaý blogy qatysýshylarǵa kóptegen insaittar alyp keldi. «Men bir aiǵa, bir jyl buryn kesh-floýdy aldyn ala josparlaýǵa jáne onlain biznes jumysynyń jańa joldaryn izdeýge bolatyndyǵyn túsindirdim», – dep bólisti modýl jattyqtyrýshysy Gúlnár Ámirǵali. Onyń pikirinshe, kásipker áielder tiimsiz shyǵystardy aiqyndai jáne negizgi kórsetkishterdi josparlai otyryp, basqarýshylyq esep pen taldaý júrgizý mańyzdylyǵyn uǵyndy, óitkeni bul biznes tiimdiligin arttyrý tásilderin ýaqtyly anyqtaýǵa múmkindik beredi.
Praktikalyq biznes-bilimderden basqa Umay Boost baǵdarlamasynda koýchingtik konsýltatsiialar túrindegi jeke tulǵa damýyna úlken nazar aýdaryldy. Ásirese tek biznes úshin ǵana emes, sondai-aq otbasy men bala-shaǵasy úshin jaýapty áiel adamdar úshin alǵa qoiǵan maqsattaryn uǵyna otyryp, resýrsta bolý óte mańyzdy.
«Joba qatysýshylarynyń koýchy retinde olardy súiemeldeý maǵan úlken lázzat alyp keldi. Olardyń adal niettiligi, batyldyǵy, jeke basyn damytý boiynsha jumys istei otyryp, óz biznesterin jańa deńgeige kóterý úshin, ony jaqsartý men aýqymdaýǵa degen yntasy meni tánti qyldy. Olardyń tamasha jetistikteri olardyń tek kásipkerliktegi ǵana emes, sondai-aq jalpy ómirdegi kóshbasshylyǵyn kórsetedi», – dep shabyttana áńgimeleidi joba jumysyna koýchingtiń ozyq bilimderin qosqan Sholpan Asanǵalieva.
Joba qatysýshysy Saniia Irsalieva Umay Boost baǵdarlamasyn Qazaqstandaǵy biznestegi áielderge arnalǵan úzdik baǵdarlamalardyń biri dep atady: «Bul erekshe baǵdarlama. Uiymdastyrýshylar oǵan ózderiniń biregei bilimderimen qatar, jan-tánin salatyndyǵy sezilip tur. Olarda biz jeke transformatsiia arqyly óz kásibi daǵdylarymyzdy damytyp, qoǵamdaǵy ózgeristerge daiyn bolýymyz jáne jańa shyńdarǵa jetý úshin, bizben qundy bilimderimen jáne tájiribelerimen bólisetin keremet biznes-sarapshylardy taýyp, olardy osy jobaǵa biriktirip, tartý daryny bar».
Qatysýshylardyń barlyǵy keremet jattyqtyrýshylardy ǵana emes, sondai-aq qoǵamdastyqtyń óziniń ǵajaiyp bir kúshin baiqaǵandyǵyn aitty. «Biz ekonomikanyń ártúrli salalarynda jumys isteimiz, bizde ártúrli biznes-modelder men ónimder bar. Bizdiń ortaq uqsastyǵymyz, bul – bizdiń barlyǵymyzdyń úlken aýqymdy qalaityndyǵymyzda jáne jeke tulǵa retinde ózgerýmen qatar, biznesti damyta jáne biregei jobalar jasai otyryp, jumys isteýge daiyndyǵymyzda. Mundai ortada álemde múmkin emes nárse bolmaityndyǵyn túsinesiń!», – dep óz sezimimen bólisti «ýmai» qatysýshylarynyń biri Nailia Cherednichenko.
Biznesi karantinniń birinshi tolqynynan shyǵynsyz ótken Bahytjamal Syzdyqovanyń «Múmkindigiń jetkeninshe ala ket!» degen sózderin Umay Boost úshinshi aǵynynyń urany etýge bolady. Bul jerde ol árbir qatysýshy meńgere jáne óz jobasyn damytý úshin paidalana alatyn qundy bilimder jaily aityp otyr.
Umay Boost – biznestegi kóshbasshy áielderge arnalǵan transformatsiialyq baǵdarlama, ol Qazaqstandaǵy demeýshisi – «Shevron» kompaniiasynyń qoldaýymen iske asyrylýda. Joba uiymdastyrýshylary MamaSpace jeke qory jáne Pipl netvorking-biýrosy bolyp tabylady.
Baǵdarlamanyń úshinshi aǵynyna Qazaqstannyń ártúrli qalalarynan 24 biznes-ledi qatysty, olar hendmeid-áshekeilerinen bastap, qurylys materialdary óndirisi men satylymyna deiingi ártúrli biznes-salalardyń ókilderi bolyp tabylady.
