Ishki ister ministriniń birinshi orynbasary Baýyrjan Álenov Nurai Serikbaidyń ólimine qatysty tergeýge pikir bildirdi. Onyń aitýynsha, kúdikti jazadan jaltara almaidy, dep habarlaidy Dalanews.kz.
Baýyrjan Álenovtiń málimetinshe, kúdikti qazir Almaty oblysy Aqtas aýylyndaǵy arnaýly psihiatriialyq aýrýhanada jatyr. Qylmystyq is aiasynda saraptamalar júrgizilip jatyr.
"Saraptamalar aiaqtalǵannan keiin bir ai ishinde is sotqa joldanady. Kúdikti mindetti túrde jaýapqa tartylady. Bul máselede alańdaýǵa negiz joq", - dedi ol Senat dálizinde.
Sondai-aq, ol kúdiktiniń esi durystyǵyn tekserý mundai isterde qalypty tájiribe ekenin atap ótti.
Aita keteiik, 11 qańtarda Shymkentte 21 jastaǵy Nurai Serikbai pyshaq jaraqattarynan kóz jumdy. Qaiǵyly oqiǵa beinebaqylaý kameralaryna túsip qalǵan.
Marqumnyń týystarynyń aitýynsha, Nurai Serikbai 11 ret pyshaq jaraqatyn alǵan.
Keiinirek politsiia qyzmetkerleri jedel izdestirý is-sharalary barysynda 21 jastaǵy turǵyndy óltirdi degen kúdikti er adamdy ustady.
Sonymen qatar, Prezident Ulttyq quryltaida shymkenttik Nuraidyń ólimine qatysty pikir bildirdi. Buǵan deiin kúdikti jyndyhanaǵa jatqyzylǵany aityldy.
