باۋىرجان الەنوۆتىڭ مالىمەتىنشە، كۇدىكتى ءقازىر الماتى وبلىسى اقتاس اۋىلىنداعى ارناۋلى پسيحياتريالىق اۋرۋحانادا جاتىر. قىلمىستىق ءىس اياسىندا ساراپتامالار جۇرگىزىلىپ جاتىر.

"ساراپتامالار اياقتالعاننان كەيىن ءبىر اي ىشىندە ءىس سوتقا جولدانادى. كۇدىكتى مىندەتتى تۇردە جاۋاپقا تارتىلادى. بۇل ماسەلەدە الاڭداۋعا نەگىز جوق"، - دەدى ول سەنات دالىزىندە.

سونداي-اق، ول كۇدىكتىنىڭ ەسى دۇرىستىعىن تەكسەرۋ مۇنداي ىستەردە قالىپتى تاجىريبە ەكەنىن اتاپ ءوتتى.

ايتا كەتەيىك، 11 قاڭتاردا شىمكەنتتە 21 جاستاعى نۇراي سەرىكباي پىشاق جاراقاتتارىنان كوز جۇمدى. قايعىلى وقيعا بەينەباقىلاۋ كامەرالارىنا ءتۇسىپ قالعان.

مارقۇمنىڭ تۋىستارىنىڭ ايتۋىنشا، نۇراي سەرىكباي 11 رەت پىشاق جاراقاتىن العان.

كەيىنىرەك پوليسيا قىزمەتكەرلەرى جەدەل ىزدەستىرۋ ءىس-شارالارى بارىسىندا 21 جاستاعى تۇرعىندى ءولتىردى دەگەن كۇدىكتى ەر ادامدى ۇستادى.

سونىمەن قاتار، پرەزيدەنت ۇلتتىق قۇرىلتايدا شىمكەنتتىك نۇرايدىڭ ولىمىنە قاتىستى پىكىر ءبىلدىردى. بۇعان دەيىن كۇدىكتى جىندىحاناعا جاتقىزىلعانى ايتىلدى.