Grýziia aýmaǵynda Túrkiianyń áskeri-transporttyq ushaǵy qulady, dep habarlaidy Dalanews.kz "Anadolu" agenttigine silteme jasap.
Túrkiianyń Qorǵanys ministrliginiń málimetinshe, ushaq buǵan deiin Ázerbaijannan ushyp shyqqan. Qazir Túrkiia men Grýziia birlesip izdestirý-qutqarý jumystaryn júrgizip jatyr. Vedomostvo málimetinshe, apatqa ushyraǵan áskeri ushaq bortynda 20 adam bolǵan.
Al Grýziianyń Ishki ister ministrliginiń habarlaýynsha, oqiǵa 11 qarasha kúni Kahetiia aimaǵyndaǵy Signah mýnitsipalitetinde, memlekettik shekaradan shamamen 5 shaqyrym qashyqtyqta bolǵan.
Ministrlik málimetine sáikes, atalǵan fakti boiynsha Grýziia Qylmystyq kodeksiniń 275-babynyń 4-bóligi (áýe kóligin paidalaný jáne qozǵalys qaýipsizdigi erejelerin buzý, adam ólimine ákep soqqan jaǵdai) boiynsha tergeý bastaldy.
Oqiǵanyń naqty sebepteri men qaza tapqandar týraly málimet ázirge jariialanǵan joq.
Túrkiia Prezidenti Rejep Taiyp Erdoǵan «Bizdiń órkeniettegi qala jáne keńistik» taqyrybyndaǵy ýrbanistika jónindegi sammitte Grýziia men Ázerbaijan shekarasynda apatqa ushyraǵan Túrkiia Áýe kúshteriniń C-130 áskeri-transporttyq ushaǵyna qatysty pikir bildirdi.
«Búgin biz Ázerbaijannan Túrkiiaǵa baǵyt alǵan C130 áskeri ushaǵynyń Grýziia men Ázerbaijan shekarasynda apatqa ushyraǵanyn estidik. Qazirgi tańda biz bul elderdiń biligimen birlesip ushaq synyqtaryn izdeý jumystaryn jalǵastyryp jatyrmyz. Bul qaiǵyly oqiǵa adam shyǵyny turǵysynan barynsha az zardappen aiaqtalady dep úmittenemiz. Qaza tapqandarǵa Alla raqym etsin», - dedi Memleket basshysy óz sózinde.
