Aqorda aldaǵy is-sharalar ańdatpasyn jariialady, dep habarlaidy Dalanews.kz.
20-23 sáýir kúnderi Qasym-Jomart Toqaevtyń shaqyrýymen Mońǵoliia prezidenti Ýhnaagiin Hýrelsúh Qazaqstanǵa memlekettik saparmen keledi. Joǵary deńgeidegi kelissózder barysynda eki eldiń saiasi, saýda-ekonomikalyq jáne mádeni-gýmanitarlyq yntymaqtastyǵyn nyǵaitý perspektivasy talqylanady.
22-24 sáýirde Astanada Óńirlik ekologiialyq sammit ótedi. BUU aiasynda qurylǵan jańa dialog alańynyń maqsaty – Ortalyq Aziianyń ornyqty damýyna ortaq kózqaras qalyptastyrý, klimattyq jáne ekologiialyq syn-qaterlerdi eńserýdiń birlesken sheshimin izdeý. Jiynǵa birqatar memleket jáne úkimet basshylary, sondai-aq halyqaralyq uiymdardyń jetekshileri qatysady.
22 sáýir kúni Prezident Qasym-Jomart Toqaevtyń tóraǵalyǵymen Halyqaralyq Araldy qutqarý qorynyń quryltaishy memleketter basshylarynyń keńesi ótedi.
