اقوردا الداعى ءىس-شارالار اڭداتپاسىن جاريالادى، دەپ حابارلايدى Dalanews.kz.
20-23 ءساۋىر كۇندەرى قاسىم-جومارت توقايەۆتىڭ شاقىرۋىمەن موڭعوليا پرەزيدەنتى ۋحنااگيين حۋرەلسۇح قازاقستانعا مەملەكەتتىك ساپارمەن كەلەدى. جوعارى دەڭگەيدەگى كەلىسسوزدەر بارىسىندا ەكى ەلدىڭ ساياسي، ساۋدا-ەكونوميكالىق جانە مادەني-گۋمانيتارلىق ىنتىماقتاستىعىن نىعايتۋ پەرسپەكتيۆاسى تالقىلانادى.
22-24 ساۋىردە استانادا وڭىرلىك ەكولوگيالىق سامميت وتەدى. بۇۇ اياسىندا قۇرىلعان جاڭا ديالوگ الاڭىنىڭ ماقساتى – ورتالىق ازيانىڭ ورنىقتى دامۋىنا ورتاق كوزقاراس قالىپتاستىرۋ، كليماتتىق جانە ەكولوگيالىق سىن-قاتەرلەردى ەڭسەرۋدىڭ بىرلەسكەن شەشىمىن ىزدەۋ. جيىنعا ءبىرقاتار مەملەكەت جانە ۇكىمەت باسشىلارى، سونداي-اق حالىقارالىق ۇيىمداردىڭ جەتەكشىلەرى قاتىسادى.
22 ءساۋىر كۇنى پرەزيدەنت قاسىم-جومارت توقايەۆتىڭ توراعالىعىمەن حالىقارالىق ارالدى قۇتقارۋ قورىنىڭ قۇرىلتايشى مەملەكەتتەر باسشىلارىنىڭ كەڭەسى وتەدى.
