Bul ýniversitet óz mindetin áli de abyroimen atqaryp kele jatyr. Memleket basshysy Qasym-Jomart Toqaev Ulttyq quryltaidyń biylǵy otyrysynda sóilegen sózinde: «Ádiletti Qazaqstan» jáne «Adal azamat» uǵymdary el tiregi bolatyn egiz qundylyq retinde árdaiym qatar turýǵa tiis. Adal azamatqa tán qasietter árbir jastyń boiynan tabylýy kerek. Ulttyń jańa bolmysy bilim, ǵylym jáne mádeniet salasyn damytý arqyly qalyptasady», – dep atap ótkenin bolatyn. Qazirgi tańda jastardy bilim –ǵylymǵa baýlyp, kózi ashyq, sanaly urpaq retinde qalyptastyratyn, olarǵa durys baǵyt-baǵdar berip, tárbieleitin ortanyń biri joǵary oqý oryndary bolyp otyr. Solardyń biri - QazUÝ.
QazUÝ joǵary bilikti mamandardy daiarlaýǵa, álemdik bilim berý keńistigine odan ári integratsiialaýǵa, irgeli jáne qoldanbaly zertteýlerdi damytýǵa, olardy óndiriske engizýge baǵyttalǵan orasan zor bilim berý, ǵylymi, rýhani-tárbielik, innovatsiialyq jáne óndiristik áleýetke ie joǵarǵy oqý orny. Bul ýniversitette 16 fakýltet, 67 kafedrada eki myńnan astam professorlar, doktorlar, ǵylym kandidattary jáne filosofiia doktorlary, iri akademiialardyń 100-den astam akademikteri bilim beredi. Sondai-aq, ýniversitet birlesken halyqaralyq oqý baǵdarlamalaryn iske asyrý, stýdenttermen almasý jáne taǵylymdamalar ótkizý boiynsha álemdegi iri halyqaralyq joǵary oqý oryndarymen yntymaqtasady. QazUÝ - 2022 jylǵy oqý jylynan beri AQSh, Ulybritaniia, Japoniia, Frantsiia, BAÁ jáne Túrkiianyń jetekshi ýniversitetterimen 30-dan astam kelisimshart jasady. Ystambul men Bishkek qalalarynda QazUÝ-niń filialdary jumys istese, Almaty qalasynda ýniversitet bazasynda MIFI (Máskeý) filialy ashyldy. Bul ýniversitettiń jetken jetistikteriniń bir bóligi. QazUÝ mektep bitirýshi túlekter, kolledj stýdentteri men magistranttar, doktaranttardyń tórtten úsh bóligi tańdaityn ýniversitet. Sózimizdiń dáleli retinde 2023 jylǵy statistikaǵa súiensek, biyldyń ózinde ulttyń jańa bolmysyn qalyptastyrýǵa umtylǵan 7436 talapker QazUÝ-ǵa 1-kýrsqa qabyldanǵan. Magistratýraǵa – 1340, doktorantýraǵa 278 adam túsken. QazUÝ jańa oqý jylyna jalpy sany 10 152 adam qabyldady. Qazirgi tańda QazUÝ-da 25 myńǵa jýyq stýdent bar, onyń 2,5 myńǵa jýyǵy álemniń 50 elinen kelgen sheteldik stýdentter bolyp tabylady. QazUÝ – sapaly bilim berýmen qatar, irgeli ǵylymdy damytýǵa da úlken úles qosyp kele jatqan joǵary oqý orny.
Búgingi zaman – oi men óristi, izdenisti talap etetin jáne ǵylymi jańalyǵy kóp jańashyl kezeń. Búgingi jańarǵan talaptar qoǵamy eń aldymen naǵyz mamandy kóbirek baǵalaidy. Osy tusta, óz salasyn jetik meńgergen, kásibi sheberligi joǵary mamandardy daiarlaýǵa úlken úles qosyp kele jatqan zań fakýltetin erekshe maqtanyshpen atap aita alamyn. Sebebi, zań fakýlteti osy ýaqytqa deiin quqyq salasyndaǵy mamandardy onyń ishinde: sot, prokýratýra, ishki ister organdary men memlekettik qaýipsizdiktiń joǵary bilikti jaýapty qyzmetkerlerin, notariýstardy, advokattardy jáne zań kompaniialaryndaǵy zańgerlerdi daiyndap shyǵardy. Qazirgi tańda zań ǵylymy qoǵamǵa aýadai qajetti, aýqymdy, iri bedelge ie ǵylym salasy. Zań fakýltetiniń jumysynyń basty maqsaty-el aldyndaǵy joǵary jaýapkershilikti, bolashaqta el irgesin ustaityn jas urpaqty daiarlaý. QazUÝ stýdentterdiń akademiialyq jáne kásibi maqsattaryna jetý úshin tamasha, ári taptyrmas oryn bolyp otyr, aldaǵy ýaqytta da joǵary bilim berý salasyndaǵy kóshbasshy bolyp qala beretinine senimimiz mol. Bul meken biz úshin árdaiym ystyq bolyp qala bermek.
Turysbek Asem Berikqyzy
Ál-Farabi atyndaǵy QazUÝ, 2kýrs magistranty
Muqaldieva Gýliia Bókeshqyzy
Ál-Farabi atyndaǵy QazUÝ, Azamattyq quqyq jáne azamattyq is júrgizý, eńbek quqyǵy kafedrasy z.ǵ.k., dotsenti
