Bul utys oıyndaryna vaksınasıalaý pýnktteriniń bári qatysady: medısınalyq mekemeler, SOO/SÚ. Utys oıynyna qatysý avtomatty, arnaıy qujat toltyryp, tirkelýdiń qajeti joq.
Eki iPhone 12-niń tórtinshi utys oıynynyń jeńimpazdary: № 12016 – Kúlshara Ibraeva jáne № 6159 – Bekzat Óteýov;
"Sulpak" dúkeniniń tońazytqyshyn jeńip aldy: № 8998 – Valentına Iasnevskaıa;
"Sulpak" dúkeniniń teledıdary: № 89 – Zýlhıa Shakýbaeva;
"Sulpak" dúkeniniń mıkrotolqyndy peshi №12902 – Nuralın Rústem.
Qala ákimdigi demeýshiler esebinen baǵaly syılyqtardyń utys oıyndaryn apta saıyn ótkizedi. Endi 28 shildeden 6 tamyzǵa deıin (qosa alǵanda) vaksınasıalanǵandardyń arasynda taǵy úsh iPhone12 oınatylady. Atalǵan utys oıynyna "Abý Dabı Plaza", "Kerýen", "Saryarqa" saýda oıyn-saýyq ortalyqtarynda jáne olarǵa bekitilgen BMSK uıymdarynda – №2, 9 jáne 14 qalalyq emhanalarda vaksınasıalanǵan adamdar qatysady. Bul utys oıynynyń tikeleı efıri 7 tamyzda ótedi.
IPhone12 jáne basqa da qundy syılyqtardyń utys oıynyn ákimdik apta saıyn — jazdyń sońyna deıin ótkizedi.
Birge platformasynda utys oıynynyń jeńimpazdaryn anyqtaý úshin arnaıy randomaızer servısi ornatylǵan, ol júlde ıelerin vaksınasıalanǵandardyń ID nómiri arqyly tańdaıdy. Ony ázirleýge IT-qaýymdastyq ta qatysty. Vaksınalanǵandar boıynsha servıs QR Densaýlyq saqtaý mınıstrliginiń aqparattyq júıesimen biriktirilgen.
Aıta keteıik, elordada azamattardy vaksınasıalaýǵa yntalandyrý úshin baǵaly syılyqtar oınatylady. Vaksınasıalanǵandar arasynda eki bólmeli páter de oınatylady. Osy jyldyń 25 maýsymy men 31 tamyzy aralyǵynda vaksınanyń birinshi komponentin alǵan 18 jastan asqan qala turǵyndarynyń elordada jyljymaıtyn múlikti utyp alý múmkindigi bar. Bul utys oıynyna vaksınasıanyń barlyq pýnkti qatysady: medısınalyq mekemeler, SOO-lar jáne saýda úıleri. Aıta ketý kerek, utys oıyndary demeýshilerdiń kómegimen ótkiziledi.
Sondaı-aq "MEGA Silk Way" SOO vaksınasıa pýnktinde birinshi komponentpen vaksınalanǵandar arasynda avtokóliktiń utys oıyny ótetin habarlady.
Elordada ótkiziletin utys oıyndary azamattardy ekpe alýǵa yntalandyrý, osylaısha óz densaýlyǵyn da, jaqyn jáne aınalasyndaǵy adamdardyń densaýlyǵyn saqtaý úshin uıymdastyrylady. Sebebi, basty maqsat — ujymdyq ımýnıtetti damytý jáne karantınge deıingi rejımge oralý. Ujymdyq ımýnıtettiń úlesi 60%-dan asýy kerek.
