Osyndai taqyryppen Otyrar memlekettik arheologiialyq qoryq-murajaiynda dóńgelek ústel uiymdastyryldy. Qonaqtar aldymen mýzei men aýdandyq ortalyq kitaphananyń uiytqy bolýymen qoiylǵan «Elbasy – Ult Kóshbasshysy» atty kórmeni tamashalady. Shara barysynda aýdan ákimi Erlan Aitahanov, ádebietshi Saǵyndyq Qydyr, tarihshy Bekjan Beisenbai jáne mýzei qyzmetkerleri sóz alyp Elbasynyń el birligi, ulttar tatýlyǵy jolynda sińirgen eńbekteri jaiynda keńinen áńgimeledi.
Sondai-aq, «Aqbol» balabaqshasynda «Mektepke deiingi uiymdaǵy pedagogikalyq kadrlardyń kásibi qyzmetinde tehnologiialardy qoldaný tiimdiligi» taqyrybyndaǵy oblystyq tájiribelik seminary ótti. Seminarǵa bolashaq urpaq tárbiesindegi mańyzdylyǵyn eskerip aýdan ákimi Erlan Aitahanov arnaiy baryp qatysyp, qutyqtaý sóz sóiledi.
Óz sózinde: «Qurmetti seminarǵa qatysýshylar, sizderdi búgingi aitýly mereke 1 jeltoqsan – Qazaqstan Respýblikasynyń Tuńǵysh Prezidenti kúni merekesimen shyn júrekten quttyqtaimyn! Tuńǵysh Prezident kúnin ereksheligi sonda, ol — qazaq halqynyń memleket bolyp qalyptasýynyń mańyzdy kezeńin aiqyndaidy.
Uly babamyz Ábý Nasyr ál-Farabi: «Adamǵa bilimmen qatar, tárbie berilýi kerek, tárbiesiz berilgen bilim – adamzattyń has jaýy», – degen eken. Urpaq tárbiesinde ejelden qalyptasqan halqymyzdyń jaqsy dástúrlerin oqyp úirený, ónege tutý, jas urpaqty izgilikke baýlý úlken jaýapkershilikti talap etedi. Ulttyq tárbieniń qudyretin qansha aitsaq ta, túgel aitý múmkin emes. Osyndai uly tárbie izgilikteri bala kezden, bula kezińnen bastaý almasa, keiin óte qiynǵa soǵatyny – dáleldeýdi qajet etpeitin aqiqat. Sondyqtan búgingi seminardan osy baǵytta mol tájiribe almasyp, mańyzy zor jetistikterge qol jetkizedi degen senimdemin»-degen aýdan ákimi seminar jumysyna sáttilik tiledi.
Merekelik is-sharalar Q.Muńaitpasov atyndaǵy sport kesheninde jalǵasyn tapty. Mektepke deiingi bilim berý uiymdarynyń qyzmetkerleri arasynda voleiboldan jáne estafetalyq oiyndar jarysynyń ashylý saltanatynda aýdan ákimi Erlan Aitahanov quttyqtaý sóz sóilep, jarysqa qatysýshylarǵa jyly lebizin bildirdi.
Búginde aýdanymyzda osy baǵytta túrli is-sharalar jospary bekitilip, aýqymdy jumystar atqaryldy. Máselen, kópqabatty turǵyn úilerdiń aýlasyna birneshe ashyq sport alańshalary, Aqtóbe men Aqqumda jabyq sport keshenderi, Maiaqum, Kóksarai, Temir aýyl okrýgterinde ashyq sport alańdary ashyldy. Bul óz kezeginde jastardyń bos ýaqyttaryn tiimdi paidalanyp, sportpen shuǵyldanýlaryna úlken septigin tigizedi dep oilaimyn-dedi aýdan basshysy óziniń quttyqtaý sózinde.
Jiynda Shymket qalasyndaǵy mediatsiiany damytý ortalyǵynyń direktory Laýra Aqshegirova men aýdandyq sottyń tóraǵasy Ákimbek Janasovtar sóz alyp, «Mamandardyń aitýynsha mediatsiiany qoǵamda qalyptastyrý mańyzdy isterdiń biri bolyp tabylady.Azamattar daý-damaidyń ońai sheshý joldaryn osy ortalyqtan taba alady.Al eńbek, otbasylyq,qarjylyq daýlarǵa dýshar bolǵandarǵa tájirbiesi men biliktiligi ushtasqan mamandar kómek qolyn sozady.Olardyń qatarynda zańger men psihologtar bar.Ortalyqtyń taǵy bir tiimdi tusy ómirlik qiyn jaǵdaiǵa tap bolǵandarǵa tegin qyzmet kórsetedi» — dep kópshilikti QR Tuńǵysh Prezidenti kúnimen jáne ortalyqtyń ashylýymen quttyqtap, izgi lebizderin bildirdi.
Merekelik is-ashara Jambyl atyndaǵy mektep-litseiinde «Men Prezidentimmen maqtanamyn» taqyrybynda jalǵasyn tapty. Elimizdiń yntymaǵy men birligin berik saqtap, el tizginin ustaǵan Elbasymyz Nursultan Ábishuly Nazarbaevtyń syndarly saiasatyn keńinen nasihattaý, jas býyndarǵa patriottyq tárbie berý, óskeleń urpaqty otanshyldyqqa,úlkendi qurmet tutýǵa baýlý maqsatyndaǵy merekelik sharada bilim ordasynyń ónerpazdary óz ónerlerin kórsetip, merekeniń mazmunyn asha tústi.Mektep foiesine tulǵanyń kitaptary men qolóner sheberleriniń buiymdary qoiylyp, Elbasymyzdyń júrip ótken joldarynan syr shertip, ónegeli ómiri men jemisti qyzmetine arnalǵan jinaqtar da tamashalandy.
Kópshilikke merekelik kóńil kúi syilaǵan sharaǵa aýdan ákimi Erlan Aitahanov arnaiy qatysyp,mereili merekemen quttyqtap,elimizdiń ertengi bolashaǵy bolyp sanalatyn búgingi búldirshinderimizdiń ónerlerin tamashalady. Saltanatty shara barysynda el Táýelsizdigine arnalǵan arnaiy beinetaspany tamashalaǵan kópshilik Tuńǵysh Prezidentimizdiń ótken ómir joldaryna taǵy da bir márte qanyǵa tústi.
«Kemeńger Elbasy — yrysy elimniń» atty mádeniet saraiyndaǵy saltanatty jiyn búgingi mazmundy ótken barlyq is-sharalardy qorytyndylady.
Saltanatty jiyn «Kún beinesi» bi kompozitsiiasymen bastalyp, ashyq dep jariialanǵan soń memlekettik Ánuran oryndaldy. Aýdan ákimi Erlan Aitahanov otyrarlyqtardy merekemen quttyqtap, ár sala boiynsha aýdannyń áleýmettik-ekonomikalyq damýyna ózindik úlesterin qosqan qyzmetkerler aýdan ákiminiń arnaiy Alǵys hattarymen marapattaldy.
Merekelik jiyn aýdan ónerpazdarynyń kontserttik baǵdarlamasyna ulasyp, kópshilikke kóterińki kóńil kúi syilady.
Dalanews.kz
