Bul týraly Shymkent qalasy ákiminiń birinshi orynbasary Shyńǵys Muqan jelidegi paraqshasynda egjei-tegjeili jazyp, qazaq elinen súiinshi surady.
Germaniianyń Dortmýnd qalasynda ótken jarysta Shymkent qalasyndaǵy J.Jabaev atyndaǵy №26 memlekettik mektep pen №9 IT-litseiiniń oqýshylary Imanǵali Myńjasar men Bibarys Mihash kezekti ret óte joǵary deńgei kórsetip, alǵash ret robototehnikadan álem olimpiadasynda 2-orynǵa ie boldy.
Aita ketý kerek, World Robot Olympiad (WRO) 2004 jyldan beri ótkizilip keledi. Qazaqstan balalary bul olimpiadaǵa 2014 jyldan beri qatysyp júr.
"Biyl alǵash ret oqýshylarymyz júldeli ekinshi oryndy ielendi.
Bul olimpiadany jeńbek túgili qatysý úshin joldama alýdyń ózi ońai emes. Dúniejúzinen 15 myńnan asa komanda qatysyp, 73 elden tek qana 365 komanda joldama alǵan.
Germaniiada ótken saiystyń finalyna Shymkenttiń Jambyl Jabaev atyndaǵy №26 mektebi men №9 IT-litseiadiń oqýshylary Imanǵali Myńjasar men Bibarys Mihash shyǵyp, ekinshi oryn aldy.
Bul - elimizdiń bilim júiesindegi úlken jetistik. Qazir bilim salasynda júrip jatqan reformalar, muǵalimder mártebesi, bilim salasyna kelip jatqan investitsiia jetistikterge jeteleitini haq", – dedi Shyńǵys Muqan.
Aita ketý kerek, sońǵy jyldary Shymkent qalasynyń mektepterine arnaiy kabinetter kóptep alynyp jatyr.
Qazirgi tańda qaladaǵy 127 mektepte robototehnika kabineti bar. Oqýshylar bos ýaqytynda robot qurastyrýmen ainalysady.
Shyńǵys Muqannyń paiymdaýynsha robotty tehnikanyń bolashaǵy zor.
"Bostonda eki jyl turǵanymda robottardy itshe júgirtip qoiǵan Boston Dynamics-tiń jumystaryn kórip, bolashaqtyń kilti kim robot qurastyra alady sonyń qolynda eken degen oi kelgen. Sonymen birge CRISPR gendi túzeý biotehnologiiasynyń qalai damyp jatqanyn kórip otyrsań, bilimdi jurttyń ǵana keleshegi kemel bolatyny kámil", – deidi ol.
Avtordyń atap ótkenindei Shymkent qalasyndaǵy mektepterdiń bastaýysh synyptarynda osydan úsh jyl buryn shahmat synyptary ashylǵan. Aptasyna bir ret 1-4 synyp oqýshylary mindetti túrde shahmat sabaǵyna qatysady. Bul óz kezeginde basqa da pánderdi igerýge septigin tigizýde.
"Aldaǵy ýaqytta myqty shahmatshylar Shymkentten shyǵyp jatsa tańǵalmańyz. Jalpy Qazaqstandaǵy árbir besinshi oqýshy qazaqy ońtústik óńirdiń mektepterinde oqidy. Demek el ekonomikasyn kóterý úshin aldymen ońtústiktiń bilim júiesin kóterý kerek dep oilaimyn jáne solai bolyp ta jatyr"
deidi Shyńǵys Muqan.
Álbette, bul jeńistiń artynda úlken eńbek jatyr. Olardy buǵan tálimgerleri men ata-anasynyń úlken senimi jeteledi. Daryndy balalardyń bilimge degen qushtarlyǵy, erik-jigeri, ynta-talaby álemdik arenadaǵy jetistikke ákeldi.
Shymkenttik oqýshylardyń tabysyn Oqý-aǵartý ministri de airyqsha atap ótip, muny elimizdiń bilim júiesindegi úlken jetistikke balady.
"Qazir bilim salasynda júrip jatqan reformalar, muǵalimder mártebesi, bilim salasyna kelip jatqan investitsiia jetistikterge jeteleitini haq. Balalarǵa biik belesterdi baǵyndyra berýlerine tilektespin!», – dedi Aimaǵambetov.
