Prezident jergilikti bilikke balyq sharýashylyǵymen ainalysatyn biznes túrlerine qoldaý bildirip, jer telimderin berip, balyq ónimderin, Qazaqstanǵa ǵana emes, shetelderge eksportqa jiberý úshin ońtaily jaǵdai jasaý kerek ekenin aitty.
Prezidenttiń bergen tapsyrmasy aiasynda óńirde balyq sharýashylyǵymen ainalysatyn birneshe kásiporyn ashylyp, jergilikti ákimdikten qoldaý taýyp, kómek alǵan.
Solardyń biri, «Industrial Fish Plant» JShS. Kásiporyn jergilikti atqarýshy organǵa arnaiy zertteý jumystaryn júrgizýge jer telimin surap ótinish bildirgen. Nátijesinde mekemege jalpy kólemi 1200 gektar bolatyn «Toqmaq», «Jylandy», «Rakýshechnyi mys» jerinen úsh jer telimi úsh jylǵa zertteýge berildi.
Jergilikti ákimdikten qoldaý tapqan kásiporynnyń biri «CaspyAltynBalyk» JShS. Atalǵan óndiris orny bekire tuqymdas balyq túrlerin ósirý maqsatynda Fort-Shevchenko qalasynda 0,15 gektar jer telimin alǵan. Qazir atalǵan aimaqta, qurylys qarqyndy júrip jatyr. Bolashaqta kásiporyn jer kólemin ulǵaitýdy kózdeidi.
Sondai-aq, «Kaspii Altyn balyq» JShS-ne balyqty óńdeý jáne qabyldaý maqsatynda Túpqaraǵan aýdanynda 0,10 gektar jer ýchaskesi berilgen.
Al «Caspian Kuryk Balik» JShS-ne balyq jáne shaian tárizdilerdi ósirý úshin Qaraqiia aýdanynan 0,10 ga jer ýchaskesi berilgen.
Óńirde jeke kásipkerlerde balyq sharýashylyǵyn damytýǵa den qoiýda. Onyń bir mysaly, Quryq aýylynyń turǵyny - Qýanysh Seiitov. Ol balyq sharýashylyǵyn damytýmen ainalysyp júr. Qazirgi tańda balyq sharýashylyǵyn júrgizý úshin kásipkerge Qaraqiia aýdanynan 10 ga jer ýchaskesi berilgen.
Balyq sharýashylyǵynyń damýy elimizdiń ekonomikasyna da oń áserin tigizýde. Máselen, «Aqtaý balyq kompaniiasy» JShS jergilikti jáne halyqaralyq naryqqa ónimderin shyǵaryp júr. Kompaniia tabiǵi taza ónimderin naryqtyq baǵadan 20% tómen baǵada satý úshin, Aqtaý qalasynda dúkenderin ashýdy josparlaǵan. Qazirgi tańda dúkenderdiń qujaty jasaqtalyp jatyr.
Sondai-aq, 2022 jyly «Kazakh osseter» JShS ǵylymi-óndiristik kásiporny 10 000 keli balyq ónimin Resei jáne Ázirbaijan elderine eksportqa shyǵarǵan.
Aita keteiik, qazir Mańǵystaý oblysynda balyq sharýashylyǵyn damytý jospary júzege asýda. Onyń aiasynda óńirdegi balyq ónerkásibi 2030 jylǵa deiin birneshe ese ulǵaiyp, ósiriletin balyq kólemi 100 000 tonnaǵa jetkiziledi.
2022 jyly óńirde 37 tonna balyq ósirý josparlanǵan bolsa, sońǵy derekter boiynsha, «Kazakh osseter» JShS, «Kaspian Rivera» JShS jáne «NATALI COMPANY» JShS – jyl basynan beri 38,5 tonna bekire men taýarlyq balyq ósirgen.
Al kelesi jyly 73 tonna balyq ósirý josparlanýda. Bul degenimiz balyq sharýashylyǵyn damytý josparynyń qarqyndy júzege asyp jatqanyn bildiredi.
