Dos Kóshim: «Túrkistan oblysyna iri óndiris oryndary qajet»
Keiingi eki aida qazaqstandyq kózi qaraqty azamattardyń nazary Túrkistan oblysynda deýge tolyq negiz bar demek. Kieli shahardyń tutas aimaqqa ortalyq bolýy, onyń jańa qurylymy, jańa kadry tilmen jaǵy bardyń talqysynda qazir. Elimizge belgili azamattar bul týraly oilaryn aityp, bolashaǵy týraly boljamdarymen bólisip otyr.
Osy oraida óz pikirimen belgili saiasatker, sarapshy Dos Kóshim de bólisken bolatyn. Nazaryńyzǵa osy bir áńgimen barysyn usynsaq:
«Bul álbette súiinshileýge turatyn jańalyq. Shymkenttiń respýblikalyq mayzy bar qala bolýy – úlken qadam. Aldaǵy ýaqytta shyraily qala ońtústik óńirdiń mádeni, rýhani ári sport baǵytyndaǵy iri ortalyǵyna ainalýy tiis. Oǵan onyń resýrsy da, múmkindigi de jetedi.
Túrkistan oblysyna oralatyn bolsaq. Jańa oblystyń otaý kóterýi oń bastama. Bul óńirde halyq óte tyǵyz ornalasqan. Adam sany kóp. Basym bóligi jastar. Demek eńbek resýrsy jetkilikti. Aldaǵy ýaqytta Túrkistanǵa eń kerekti dúnie – iri óndiris oryndaryn ashý. Bul aimaqtaǵy jumyssyzdyqty joiady. Eń qyzyǵy elimizdegi iri kásip oryndar Soltústik óńirlerde ornalasqan. Al eńbek resýrsy, demek adamdar ońtústikte. Osy paradoks týraly úkimet oilansa deimin.
Jańa ónerkásipter Túrkistan qalasynyń mańynda boi kóterse. Halyq tyǵyzdyǵyna bailanysty bul jerdegi aýyldyq eldi mekender bir birine óte jaqyn ornalasqan. Onda qanshama azamattar kún kórip jatyr. Olardy jumyspen qamtý kerek.
Endigi kezek Elbasy Nursultan Ábishulynyń «5 áleýmettik bastama» dep atalatyn úndeýine qarai oiyssaq. Bul bastama Túrkistan óńirinde júzege asý úshin úlken-úlken reformalar qajet. Mundaǵy faktorlerdiń biri – bilim. Bul óńirde bilim ordalary kóp bolǵanymen onyń sapasy barlyǵymyzdy oilandyrady. Al sonshalyqty kóp paidaǵa kelmeitin mamandar elimizge ne bere alady? Álbette eshteńe. Sondyqtan Elbasy úndeýindegi «joǵary bilim alýdyń qoljetimdiligi men sapasyn arttyryp, stýdent jastardyń jataqhanadaǵy jaǵdaiyn jaqsartý» degen tapsyrmasy osy oraida erekshe nazarda bolý kerek dep oilaimyn. Sapaly bilim – jarqyn bolashaqtyń kepili.
Osy eki másele júzege asýyn jedel bastasa úndeýdegi turǵyn úi, shaǵyn jáne orta bizneske beriletin nesie, salyq salmaǵynyń azaiýy halyq jaǵdaiynyń jaqsaryp, óńirdegi ekonomikanyń turaqty ósýine áser etedi dep oilaimyn».
