Bul týraly Aimaqtyq kommýnikatsiialar qyzmetinde ótken baspasóz-konferentsiiasynda Kýrchatov qalasynyń ákimi Aleksei Glazinskii málimdedi. Onyń aitýynsha, Kýrchatov qalasy boiynsha shaǵyn jáne orta kásipkerlikti qoldaýǵa jergilikti biýdjetten jalpy kólemi 56 mln teńge bólindi, ótken jyldyń esepti kezeńimen salystyrǵanda 7,7 mln teńgege artyq.
Qalada «Biznestiń jol kartasy – 2025» biznesti damytý jáne qoldaý memlekettik baǵdarlamasy sátti júzege asyrylýda. Onda kásipkerlerge grantty qarjylandyrý, sýbsidiialaý jáne kepildi jobalar syndy mańyzdy qoldaý sharalary kórsetiledi. Nesieler boiynsha tólengen sýbsidiialar 960 myń teńgeni qurady.
– Alty jeke kásipkerlik jobalary sýbsidiia aldy. Olardyń beseýi saýda salasyn, bireýi sán salonyn keńeitýge baǵyttaldy, – dedi Aleksei Glazinskii.
Budan basqa, jalpy somasy 37 mln teńgeni quraityn memlekettik grant bólýge segiz suranym berildi. Irikteý baiqaýynyń nátijesi boiynsha avtokeshendi jáne densaýlyqty ońaltý jáne diagnostika ortalyǵyn ashý boiynsha eki jobaǵa grantty qarjylandyrý maquldandy. Bólingen granttyń jalpy somasy shamamen – 10 mln teńge.
«Eńbek» nátijeli jumyspen qamtýdy jáne jappai kásipkerlikti damytý» baǵdarlamasynyń ekinshi baǵyty – mikrokredit sheńberinde Kýrchatov qalasynda jalpy somasy 15,5 mln teńgeni quraityn úsh joba iske asyryldy. Sonymen qatar atalǵan baǵdarlama sheńberinde 2021 jyly Kýrchatov qalasynyń 19 turǵynyna óz isterin ashý úshin jalpy somasy 11 mln teńgeni quraityn grantty qarajat berildi.
– Biz halyqtyń áleýmettik-osal toptaryna qoldaý bildirý úshin memlekettik baǵdarlamalardy paidalanamyz. «Eńbek» baǵdarlamasy sheńberinde 20 adam qysqa merzimdi kásibi bilim alýǵa joldama aldy, 13 adam áleýmettik jumys oryndaryna ornalastyryldy, 13 adam jastar tájiribesine, 126 adam qoǵamdyq jumystarǵa joldandy. 28 adam «Bastaý-biznes» jobasy boiynsha kásipkerlik negizderin meńgerdi, – dedi Aleksei Glazinskii.
Budan bólek, 20 qala turǵynyna 200 AEK boiynsha memlekettik grant berildi. Negizinen granttar halyqqa qyzmet kórsetý salasy boiynsha berildi, jekelei toqtalsaq, podologiia kabinetin ashýǵa, tigin jabdyqtaryn satyp alýǵa, kosmetolog kabinetin ashýǵa, kilem tazartý, dene saýyqtyrý stýdiiasyn ashýǵa, tamaq óndirý jáne jetkizý qyzmetin ashýǵa, kinoteatr ashýǵa berildi.
Qala basshysynyń aitýynsha, Kýrchatov qalasynda 2021 jyly 30 kásipker óz isin ashty.
