Қазақша Qazaqsha قازاقشا Русский
DALA INSIDE-qa ótý
Dala 360 Politica Vox Populi Dala Finance Shartarap Bile júrińiz! Referendým
Bilim Suhbat Zań men Tártip Aimaq Jumysshy jyly Aityldy – oryndaldy Bas taqyryp Saraptama Dál qazir Taza Qazaqstan AES: Referendým
DalaNews visual

Biyl Astanada 165 qoǵamdyq keńistik paidalanýǵa berildi

Dalanews
Biyl Astanada 165 qoǵamdyq keńistik paidalanýǵa berildi
Búginde Astana qalasy jasyl jelekke malynǵan kórkimen kóz tartatyn shaharǵa ainalyp keledi. Biyldyń ózinde qalany kógaldandyrýǵa qatysty kóptegen jumystar atqaryldy. Bul jaiynda Astana qalasy ákimi Jeńis Qasymbek aqparat quraldary ókilderine ret-retimen baiandap berdi. Osy rette airyqsha atap ótetin jait, biyl Astana qalasy ákimdigi men shahardaǵy Ýrbanistika ortalyǵy bas qalany kógaldandyrý boiynsha jarǵy ázirlep, bul baǵytta mańyzdy jumysty bastap ketti.

Jeńis Qasymbek myrzanyń sózine nazar aýdarǵanymyzda jyl basynan beri elordada 165 qoǵamdyq keńistik, iaǵni, saiabaqtar, gúlzarlar jáne jelekjoldar salynyp, halyqtyń paidalanýyna berilgenin bildik.

– Astana qalasy boiynsha aýlalar men qoǵamdyq keńistikterdi abattandyrý maýsymy óz máresine jetti. Biyl aýqymdy jumys júrgizildi. Bas-aiaǵy 165 qoǵamdyq keńistik (saiabaqtar, gúlzarlar, jelekjoldar) jáne aýla keńistigi abattandyryldy. Sonymen qatar, buryn kóppáterli turǵyn úi keshenderiniń qurylysy qarastyrylǵan 9 orynǵa gúlzarlar men qoǵamdyq keńistikter salynatyn bolady. Máselen, Aitmatov-Syǵanaq kósheleriniń qiylysyndaǵy ýchaskede 12 qabatty kópfýnktsionaldy keshenniń ornyna gúlzar salyndy. Al R.Baǵlanova kóshesi men Turan dańǵylynyń qiylysynda jeke qurylys salýshy turǵyn úi keshenin salýdy josparlaǵan. Nátijesinde bul ýchaskede investormen birge qoǵamdyq keńistik boi kóterdi.

Kúmisbekov kóshesi, 7/1 mekenjaiyndaǵy eski garajdardyń ornyna qala turǵyndary úshin yńǵaily ári qaýipsiz oryn jasaldy. Aýmaǵy abattandyrylyp, aǵash otyrǵyzyldy. Al Kóktóbe, 5 mekenjaiynda bos jerdiń ornyna sport-oiyn aimaǵy salyndy.


Sol siiaqty qalada Q.Muńaitpasov pen Beibitshilik kósheleriniń boiynda jaiaý júrginshilerge arnalǵan birneshe promenad ashylyp, «Amman» jáne «Abylai han» kópirleriniń astynda jaiaý júrginshiler ótkelderi jasaldy. Olar Aqbulaq ózeniniń boiyndaǵy saiabaq klasterlerin biriktirdik. Ortalyq jaǵalaýdaǵy tarihi kósheler jańaryp, «Jýrnalister alleiasy», Saltanat qaqpasynyń janyndaǵy gúlzar, Sh.Ýálihanov kóshesindegi Kravtsov kóshesinen S.Seifýllin kóshesine deiingi jaiaý júrginshiler keńistigi abattandyryldy, – dedi Astana qalasy ákimi Jeńis Qasymbek.

Mańyzdy jarǵyda barlyq instantsiialar qamtylǵan. Onyń ishinde ónerkásiptik jáne kommertsiialyq obektiler, turǵyn úi keshenderi, saýda jáne biznes-ortalyqtar ókilderi tarapynan sapaly kógaldandyrý jáne osy saladaǵy máselelerge erekshe nazar aýdarý máselesi tolyq qamtylǵan dese de bolady. Qujatta kógaldandyrý jumysyna erejeler, talaptar, normalar men usynystar jazylady.

– Mundai qujat kógaldandyrý josparyn júieleýge múmkindik berip, kósheler men kvartaldardy, ishki aýla keńistikterin kógaldandyrý boiynsha strategiialyq kózqarasty qalyptastyrady. Biz ozyq tájiribelerdiń bárin zerttedik, endi ony qoldanysqa engizgimiz keledi. Biz dizainerlerge, qurylys salýshylarǵa, kommertsiialyq, ónerkásiptik nysandarǵa mańyzdy qujatty basshylyqqa alýyn tapsyryp otyrǵan jaiymyz bar. Aitalyq, qazir qalada ónerkásiptik nysandardan eń úlken emissiia bar, biraq onda kógaldandyrýdyń sapasy joq. Sondyqtan ónerkásip nysandarynyń da kógaldandyrýǵa belsendi aralasýy mańyzdy, – dedi Ýrbanistika ortalyǵynyń basshysy Elnar Bazyken.

Onyń aitýynsha, kóptegen qurylys salýshylar abattandyrýǵa kóńil bólmei, óz nysandaryn tapsyrýǵa ǵana asyǵady. Al jarǵy bul jumysty kógaldandyrý turǵysynan retteýge múmkindik beredi. Bul ónerkásiptik, sondai-aq iri infraqurylymdyq nysandarǵa – vokzaldarǵa, áýejailarǵa qatysty bar.

– Biyl bir millionnan astam jasyl keńistik otyrǵyzyldy. Onyń ishinde 100 myń jasyl jelekti bizdiń qurylys salýshylar otyrǵyzdy. Biz qalanyń kógaldandyrý jumysyn júieleýge múmkindik beretin jarǵy qabyldaýdy jáne kelesi jyly bul kórsetkishti odan ári arttyrýdy josparlap otyrmyz. Qalada millionnan astam jasyl jelek otyrǵyzýǵa tyrysamyz, – dedi Elnar Bazyken. Aitpaqshy, Astana qalasyn kógaldandyrý boiynsha usynystar men ideialardy turǵyndar Ýrbanistika ortalyǵynyń centerofurbanism@gmail.com poshtasyna jibere alady. Budan keiin usynystar óńdelip, eskeriledi.


Astanany kógaldandyrý Jarǵysy kógaldandyrýdyń jalpy strategiiasyn qamtityn erejeler men usynystar jinaǵy bolatyny sózsiz.  Qujat aiasynda jasyl jelekter, sýarý júielerimen jáne kútim jumystarymen qamtamasyz etý, aǵashtar sany boiynsha reglament bári taiǵa tańba basqandai kórsetiletin bolady. Dál osynda mańyzdy qujat elimizdegi barlyq qalalarǵa kerek desek artyq aitqandyq bolmas edi. Óitkeni kóp qalalarda kóktemde aǵash kóshetterin memleket qarjysyn bólip otyrǵyzady. Al keiinnen jasyl jelekke tiisti kútim jasalynbai qýrap qalatynyn bilemiz.  Sondyqtan aldaǵy ýaqytta Astananyń kogaldandyrý jarǵysy elimiz úshin mańyzdy is-tájiribe bolaiyn dep tur.

Biylǵy statistikalyq derekterge nazar aýdarsaq, Astanada qurylys salýshylar jasyl jelekterdi otyrǵyzý isin 2,5 esege ulǵaitqanyn baiqaimyz. Osylaisha elordada 100 000-nan astam jasyl jelek otyrǵyzyldy.

Mamandar Astana qalasynyń jasyl jelekterine túgendeý jumystaryn júrgizip, elordanyń bir turǵynyna kógaldandyrý alańy 14 sharshy/metrdi quraitynyn anyqtapty. Ákimdik aldaǵy ýaqytta bul kórsetkishti birneshe jyl ishinde 19 sharshy metrge deiin jetkizip, Astanany jasyl qalaǵa ainaldyrýdy kózdep otyr.
Madina Sádýaqasova

Oqi otyryńyz