Memleket basshysy qazaqstandyqtardy Rojdestvo merekesimen quttyqtady
Rojdestvo adamzatty jasampaz ári meiirimdi bolýǵa, jaqyndaryna qamqorlyq tanytýǵa jáne muqtaj adamdarǵa qol ushyn sozýǵa úndeidi, osy dinge senetin jandarǵa úmit pen qýanysh syilaidy, – delingen quttyqtaýynda.
Basqa dástúrli dinder sekildi pravoslavie de myzǵymas rýhani qundylyqtardy ornyqtyrý, óskeleń urpaqqa tálim-tárbie berý jáne halqymyzdyń san qyrly tarihi-mádeni murasyn saqtaý jolynda mańyzdy ról atqarady. Pravoslavie elimizdiń dáiekti damýyna qajetti basty sharttyń biri – jalpyulttyq birligimizdi nyǵaitýǵa da yqpal etedi.
Pravoslavieni ustanatyn azamattarymyz Ádiletti Qazaqstandy qurýǵa jáne eńbekqorlyqqa, bilimpazdyqqa, otanshyldyqqa, tilektestikke, ózara jaýapkershilikke negizdelgen jańa qoǵamdyq etikany qalyptastyrýǵa eleýli úles qosady dep senemin. Barshańyzǵa zor densaýlyq jáne baq-bereke tileimin!, – dep quttyqtady Toqaev.
