B.Saǵyntaev: «Qazaqstanda «jasyl» ekonomika salasynda jarty million jumys orny qurylady»
Qazaqstan álemdik energetikanyń uzaq merzimge negizdelýin ári onyń turaqty damýyn qamtamasyz etý strategiiasyn ustanatyndyǵyna toqtalǵan Úkimet basshysy, 10 jyldai buryn Prezident Nursultan Nazarbaev BUU Bas Assambleiasynyń sessiiasynda jahandyq energiialyq ekologiialyq strategiiany ázirleýdi usynǵandyǵyn, 2011 jyly BUU Assambleiasynda Elbasy óńirde jasyl ekonomikalyq ósimdi kúsheitýge arnalǵan «Jasyl kópir» seriktestik baǵdarlamasyna basmashy bolǵanyn eske salyp ótti. 2012 jyly osy baǵdarlama BUU-nyń Dúniejúzilik sammitinde maquldandy. «2013 jyly Qazaqstan «jasyl» ekonomikaǵa kóshý jónindegi Tujyrymdamany qabyldady.
Ol óz kezeginde eldiń energetikalyq sektorynda júieli túrlenýge tiisti jaǵdai jasady. 2016 jyly biz klimattyq baǵyttaǵy Parij kelisimin ratifikatsiialaý arqyly parniktik gazdardy azaitý boiynsha mindettemelerdi aldyq. Qazirgi kezde Úkimet Qazaqstan ekonomikasynyń úshinshi jańǵyrýy baǵytynda jumys istep jatyr.
– «Jasyl» ekonomika aiasyndaǵy reformamyz 2050 jylǵa qarai bizge Qazaqstannyń Jalpy ishki ónimin úsh paiyzǵa arttyrýǵa múmkindik beredi dep josparlaýdamyz. Bul turǵyda 500 myń jańa jumys oryndaryn qurýǵa, ónerkásip men qyzmet kórsetýdiń jańa sektorlaryn qalyptastyrýǵa, ómir súrý sapasyn kóterýge jaǵdai jasalady. Energiia ár adamnyń ómirinde órkeniettiń fýdamentaldy qajettigi bolyp tabylady, – dedi. B. Saǵyntaev.
Onyń sózine qaraǵanda, búginde álemdik energetika tehnologiialyq innovatsiialar yqpalymen qarqyndy ózgeristerge ushyraýda. Bul óz kezeginde álem úshin úlken múmkindikterdi jasap otyr.
«Jańa kezeńde aǵymdaǵy ahýaldy tek talqylaýmen ǵana shektemei, energetika salasynda turaqty damýdy qamtamasyz etý úshin ár eldiń úkimetteri men halyqaralyq uiymdarǵa qandai úilesimdi is-qimyldardy qabyldaý kerektigin túsinip alý qajet. Búginde bizge jahandyq energetikalyq naryq úshin jańa modelder kerek dep sanaimyz», – dedi Premer-Ministr.
