Pavlodar oblysy ákimi Asaiyn Baihanov "Pavlodar oblysynyń áleýmettik-ekonomikalyq damýy týraly" taqyrybynda ótkizilgen baspasóz konferentsiiasynda oblystaǵy reiderlik máselege qatysty suraqqa jaýap berdi, - dep habarlaidy Dalanews.kz.
"Bul máselege qatysty prokýratýraǵa saýal joldaý kerek. Bul máseleden habardarmyn. Qupiia tergeýdiń mán-jaiyn aita almaimyn. Bul - qarapaiym óndiristik baza, mundai baza óńirde 300-400-ge jýyq. Onyń eshqandai infraqurylymdyq quny joq. Ol Qamzin kóshesinde ornalasqan", - dedi ákim OKQ alańynda ótken brifingte.
Buǵan deiin Pavlodarda qylmys áleminiń serkesi ustaldan bolatyn.
Pavlodar oblysy boiynsha Ekonomikalyq tergeý departamentiniń málimetinshe, 4 qarashada Pavlodardyń iri ónerkásiptik kásiporyndarynyń birin reiderlik basyp aldy degen kúdikpen qylmys áleminiń serkesi ustaldy.
Keltirilgen shyǵyn mólsheri milliard teńgeden asady.
"Jeke jáne zańdy tulǵalardyń jyljymaly jáne jyljymaityn múlkin reiderlik basyp alýdyń ózge de faktileri anyqtalyp jatyr", - delingen habarlamada.
Qazirgi ýaqytta reiderlik jasady degen kúdikti eki aiǵa qamaýǵa alynǵan.
Artynsha qylmystyq topqa qatysy bar adamdar da ustaldy.
Qadaǵalaý organynyń bastamasy negizinde jedel izdestirý sharalarymen qylmystyq jetekshiniń basshylyǵymen qylmystyq top uzaq ýaqyt boiy qorqytyp, qujattardy burmalaý arqyly kásipkerlerdiń múlkin tartyp alýmen ainalysqanyn anyqtaldy.
Kásipkerlerdiń múlki rólderdi naqty bóletin qylmystyq toptyń quramymen alyndy.
Menshik ieleriniń kásiporyn múlkine kirýine shekteý qoiylyp, zańdy tulǵa úshinshi tulǵalardyń atynan tirkeldi, sodan keiin múlik satyldy.
Menshik ielerine keltirilgen zalal 1 milliard teńgeden asty, sottyń sanktsiiasymen qylmystyq is boiynsha qatysqan adamdardyń múlki tárkilenip, negizgi kúdikti qamaýǵa alyndy.
Qadaǵalaý retimen joǵaryda atalǵan qylmystyq jetekshiniń basshylyǵymen qylmystyq top tulǵalardyń qylmystyq áreketiniń basqa faktileri boiynsha 5 sotqa deiingi tergeý qaita jalǵasty.
Qazirgi ýaqytta Ekonomikalyq tergeý basqarmasyien sotqa deiingi tergeý júrgizip jatyr.
