Túrkiianyń Antaliia áýejaiynda reseilik “Azimýt” áýe kompaniiasyna tiesili Sukhoi Superjet jolaýshylar ushaǵy órtendi, dep habarlaidy Dalanews.kz.
Aqparattarǵa súiensek, ushaq Sochiden shyqqan, bortta 95 adam bolǵan. Aldyn ala málimetter boiynsha, zardap shekkender joq. Órt sóndirildi.
Túrkiianyń aviatsiialyq biligi málimdegendei, ushaqta 89 jolaýshy men 6 ekipaj múshesi bolǵan. Reseidiń aviatsiialyq biligi barlyq adamnyń evakýatsiialanǵanyn jáne qurbandar joq ekenin rastady.
Mash pen Baza aqparattyq portaldary jolaýshylar ushaǵy qoný kezinde ushý-qoný jolaǵyna qatty soǵylyp, janarmai tógilgenin aitqan. “Azimýt” áýe kompaniiasy TASS agenttigine “qatty qoný” faktisin rastady, bul jaǵdaidy búiirlik jeldiń ekpininen ekenin túsindirgen.
Kýágerlerdiń aitýynsha, aldymen ushaqtyń qozǵaltqyshy órtenip, keiin basqa bólikterine taraǵan. Oqiǵa ornynda qutqarý qyzmetteri jumys istep jatyr. Sonymen qatar tótenshe jaǵdaidy tekserý boiynsha tergeý bastaldy.
AirportHaber málimetinshe, Antaliia áýejaiy ýaqytsha reisterdi qabyldaýdy toqtatty. Ushý-qoný jolaǵy apatqa bailanysty jabylǵan. Áýejaidyń túngi saǵat 3-te (Máskeý ýaqytymen) qaita ashylýy josparlanǵan.
