«Barlyq sýbsidiiany iri sharýashylyqtar alyp qoiǵan». Depýtat qarapaiym sharýalardyń jersiz, tehnikasyz qalǵanyn aitty
– Jaz kezinde bizdiń depýtattar aimaqtarda boldy. Olardyń barlyǵynda azamattarymyzdyń tarapynan kóp qujat, saýal jinalyp qaldy.
Biylǵy jylǵy Joldaý azamattarymyzdyń kótergen kóp suraǵyna jaýap bere aldy dep oilaimyn. Aita ketetin bolsam, men Aqmola oblysynda jumys saparymen boldym. Bul oblysta aýyl turǵyndaryn tolǵandyratyn, eń aldymen, veterinariia qyzmetin damytý máselesi boldy. Óitkeni aýyl turǵyndarynyń arasynda jylaǵandary da boldy. Shynymdy aitsam, kezdesý kezinde egde jastaǵy turǵyndar jylap, siyr, jylqylary túrli infektsiialardan qyrylyp jatqandaryn aitty. Al veterinarlar bolmaǵan. Sol sebepti bul másele qazirgi kúni mańyzdy, – dedi ol.
Ol máseleni aitsaq, sony sheshý jolynda jumys isteletinin jetkizdi.
– Joldaýdyń mańyzdylyǵy da osynda dep oilaimyn. Sonymen qatar, kelesi, alda turǵan taǵy bir suraq – jeke qosalqy sharýashylyqty damytý. Ekonomisterdiń pikirinshe, búgingi kúni aýyl sharýashylyǵyna bólinetin aqsha biýdjetke túsetin salyqtardan kóp. Aýyl sharýashylyǵynyń negizgi sýbektilerine bul kómek jetpeidi. Sebebi ony úlken sharýashylyqtar alyp alady. Al shaǵyn fermalar jemsiz, jersiz, tehnikasyz qalady. Depýtat retinde bizdiń mindetimiz – muny tek zańnamalyq turǵyda ǵana emes, sonymen qatar iske asyrylý barysyn da qadaǵalaý, – dep atap ótti depýtat.
Ol óz sózinde shaǵyn monoqalalardy da damytý máselesin kóterdi.
– Stepnogorsk, Atbasar qalalarynda boldym. Olarǵa qaraýdyń ózi kóńil qynjyltady. Iá, ózin-ózi qamtamasyz etip, kúnin kórip otyrǵan kásiporyndar da, bos turǵandary da bar. Sondyqtan Memleket basshysy aitqan máseleler óte mańyzdy. Monoqalalardy damytý boiynsha bir emes, birneshe baǵdarlamany júzege asyrdyq. Ókinishke qarai, bul qalalardyń ekonomikasy men infraqurylymy búgingi kúni aýyz toltyryp aitarlyqtai emes. Al bul jerlerde millionnan astam halqymyz turyp jatyr. Ýrbanizatsiia týraly aitatyn bolsa, osy shaǵyn jáne monoqalalardy damytý kerek, – dedi Iýliia Kýchinskaia.
