Aldymen ózi, keıin aýdan kásipkerleri men qaırymdy turǵyndary da qorǵa qarjy aýdaryp, Birtilek aýyldyq okrýginde eki úıdiń qurylysy júrgizildi. Búgin qaırymdylyq qory az qamtylǵan Keles aýdanyndaǵy eki otbasyǵa baspana syılady.
«Keles-Abaı» qaırymdylyq qorynyń komısıa músheleri 2 otbasyny az qamtylǵan dep tanyp, atalǵan baspanalardy el aldynda syıǵa tartty. Oshaqty jáne Alpamys batyr aýyldyq okrýginde páter jaldap turatyn az qamtylǵan jalǵyzbasty kópbalaly ana men kópbalaly múmkindigi shekteýli azamattyń otbasy qýanyshqa bólendi.
– Qoǵamda jaqsy, jomart júrek jandar kóp. Solardyń kómegimen «Keles-Abaı» qoǵamdyq qaıyrymdylyq qory eki otbasyǵa arnap úı turǵyzdy. Baspanaǵa ıe bolǵan ananyń janaryndaǵy qýanyshtyń kóz jasyna júregi bar adamdardyń bári tebirendi. Aldaǵy ýaqytta osyndaı qaıyrymdylyq sharasyn toqtatpaı, áli talaı muqtajdardy baspanamen qamtymaqpyz. Osy rette Keles aýdanynyń ákimi Aqmentaı Úsenulyna erekshe alǵys aıtqym keledi. Sebebi osy jobany bastarda eń alǵashqylardyń biri bolyp qoldap, úı salý úshin qajetti jer telimin berip, qoldady, – dedi Dıas Abdıev.
