Aral aýdandyq sotynyń tóraiymy mura daýynyń basty «qaharmanyna» ainaldy
– Shaǵymdanýshy azamatsha birinshi nekeden 2013 jyly dúniege qyz balany ákeledi. Jubaiym óńirdegi iri kásipkerlerdiń biri bolǵan. 2015 jyly onyń jubaiyna qarsy qylmystyq is qozǵaldy. Kúieýiniń ústinen qylmystyq is qozǵalǵan kezde ol qalalyq sotta qyzmet etken edi. Kúieýi isti bolǵannan keiin qyzmetine kesiri tiiý múmkin ekenin eskerip, qaǵaz júzinde birinshi kúieýinen ajyrasady. Biraq olar 2017 jylǵa deiin bir shańyraqtyń astynda ómir súredi. Al 2017 jyly álgi iri kásipker kók tiynsyz qalǵannan keiin áieli basqa bir iri kásipkermen kóńil qosady. Birinshi kúieýinen týǵan qyzyna ógei ákesiniń tegin beredi. Arada birneshe ai ótkennen keiin qyzdyń ógei ákesi qaitys bolǵannan keiin, áiel qyzyn iri kásipkerdiń zańdy murageri dep eseptep, zań oryndaryna shaǵymdana bastaidy, – dep qorǵaýshy jýrnalisterge jaǵdaidy baiandap bergen.
Sonymen qatar E.Makenov sýdia áiel qyzynyń murasyn 1 mlrd teńgege baǵalaǵanyn alǵa tartty.
– Sýdia áiel balasyn asyraýshysynan aiyrylǵan jalǵyz basty ana retinde memleketten járdemaqy alyp kelgen. Búginde áiel marqum bolǵan ekinshi kúieýiniń týystarynan 1 mlrd teńge nemese memleket pen jekemenshik áriptestik retinde salǵan balabaqshany berýdi talap etýde. Qazirgi tańda áiel Aral aýdandyq sotynyń tóraiymy retinde 1 mln teńge ailyq jáne ai saiyn memleketten qyzyna 53 myń teńge járdemaqy alyp keledi. Endi ol ózine jumys istep turǵan kásipkerlik nysandy atyna jazyp berýdi talap etip otyr, – deidi advokat Erlan Makenov.
Qorǵaýshy sýdia áiel ekinshi kúieýiniń ákelik quqyq aiaq asty etip otyrǵanyn aitty. Bul daýǵa qandai núkte qoiylatyny ázirshe belgisiz.
